Шылуце

Шылуце
Герб	Сцяг
Краіна	Літва
Павет	Клайпедскі
Раён	Шылуцкі
Сянюнія	Шылуцкая
Каардынаты	55°21′00″ пн. ш. 21°29′00″ у. д.HGЯO
Першая згадка	XIII стагоддзе
Ранейшыя назвы	Шылакарчма, Хейдэкруг
Горад з	1941
Вышыня цэнтра	10 м і 8 м
Насельніцтва	▲16 200 чал. (1 студзеня 2023);
Часавы пояс	UTC+2, летам UTC+3
Паштовыя індэксы	LT-99001
	Медыяфайлы на Вікісховішчы

Шылуце (літ.: Šilutė, ранейшая назвы — Хейдэкруг, ням.: Heydekrug, беларуская назва Шылакарчма́) — горад у заходняй Літве, недалёка ад мяжы з Расіяй і Куршскага заліва. Колькасць насельніцтва складае каля 21 тыс. чалавек. Горад з’яўляецца адміністрацыйным цэнтрам Шылуцкага раёна Клайпедскага павета. Шылуце адносіцца да этнаграфічнага рэгіёна Малая Літва.

Гісторыя

Шылакарчма была заснавана ў 1511 годзе на дарозе паміж Клайпедай і Тыльзітам (цяпер Савецк) на тэрыторыі Усходняй Прусіі. Спачатку гэта было месца, дзе адпачывалі вандроўцы на дарозе паміж гэтымі гарадамі (адсюль і пайшла назва горада). У 1550 годзе тут быў пабудаваны першы касцёл, а паселішча пачало інтэнсіўна развівацца. З-за блізкасці буйных гарадоў Шылуце не атрымліваў статус горада да 1941 года. На працягу 500 гадоў горад быў славуты сваім рыбным гандлем.

У 1923 годзе разам з Клайпедай Шылуце адышоў Літоўскай Рэспубліцы, але ў 1939 годзе дабравольна перададзена ў склад Германіі. У часы Другой Сусветнай вайны тут размяшчаўся буйны лагер для ваеннапалонных.