Эдуард Тубін

Эдуард Тубін (англ.: Eduard Tubin; 18 чэрвеня 1905, Тарыла, Эстонія — 17 лістапада 1982, Стакгольм, Швецыя) — эстонскі і шведскі кампазітар. Стваральнік першага эстонскага нацыянальнага балета «Дамавік».

Эдуард Тубін
Асноўная інфармацыя
Дата нараджэння	18 чэрвеня 1905(1905-06-18)
Месца нараджэння	Torila[d], Алатсківі, павет Тарту, Эстонія
Дата смерці	17 лістапада 1982(1982-11-17) (77 гадоў)
Месца смерці	Österhaninge church parish[d], Ханінге, лен Стакгольм, Швецыя
Месца пахавання	Лясныя могілкі
Краіна	Эстонія  Швецыя
Жонка	Erika Tubin і Linda Tubin[d]
Дзеці	Rein Tubin[d] і Eino Tubin[d]
Альма-матар	Эстонская акадэмія музыкі і тэатра
Музычная дзейнасць
Прафесіі	дырыжор, кампазітар
Жанры	опера і сімфонія
Грамадская дзейнасць
Член у	Tartu School of Composition[d]
Узнагароды	Kurt Atterberg Prize[d] (1977)
Медыяфайлы на Вікісховішчы

Біяграфія

Нарадзіўся ў Тарыла, Эстонія. Абодва яго бацькі былі аматарамі музыкі. Яго бацька граў на трубе і трамбоне. Упершыню талент Эдуарда Тубіна выявіўся ў дзяцінстве, калі хлопчык навучыўся граць на флейце і балалайцы. Пазней яго бацька абмяняў карову на фартэпіяна, каб хлопчык мог больш вучыцца музыцы, і Эдуард набыў дзякуючы свайму таленту папулярнасць у вёсцы. Тубін таксама добра граў на скрыпцы, напісаў некалькі канцэртаў для гэтага інструмента.

Вучыўся ў Хейна Элера ў Вышэйшай музычнай школе Тарту. Жыў і працаваў у Ныа, Тартускі павет, дзе даваў урокі ў мясцовай школе. Працаваў у горадзе Тарту дырэктарам тэатра «Ванемуйнэ». 20 верасня 1944 года, за два дні да ўступлення савецкіх войскаў у Талін, пераехаў разам з сям’ёй на ветразным судне «Трыіна» ў Швецыю, дзе жыў і тварыў да канца жыцця. Восем разоў наведваў Эстонію.

У 1982 годзе быў абраны ў Шведскую каралеўскую музычную акадэмію.

Жонка — балерына Эльфрыдэ Тубін (пры нараджэнні — Саарык). Сын — Эйна Тубін, работнік міністэрства абароны Швецыі і свабодны журналіст.

Сярод работ: 11 сімфоній (апошняя не скончана), 5 канцэртаў, 2 оперы, 2 балета. Шэраг камерных і харавых твораў.