Эмпана́да (ісп.: empanada — «піражок з начыннем») — страва, папулярная на Пірэнейскім паўвостраве і ў Лацінскай Амерыцы. Па сутнасці, любыя смажаныя піражкі ў іспанамоўных краінах. Звычайна гатуюцца з пшанічнай мукі (хоць, напрыклад, у Венесуэле — з кукурузнай) і абсмажваюцца ў алеі ці тлушчы. Распаўсюджаныя таксама на Філіпінах, у апошнія сто гадоў разам з выхадцамі з Лацінскай Амерыкі шырока прадстаўлены і ў ЗША. Для партугальскай і бразільскай кухні першапачаткова не былі традыцыйнымі, і лічацца стравай, запазычанай з іспанамоўных краін.

Эмпанада