Энвер Галім

Энве́р Галі́м (татар.: Ənwər Ğalim, Әнвәр Галим; 15 сакавіка 1915, Казань, Расійская імперыя — 2 сакавіка 1988, Нью-Ёрк, ЗША) — татарскі пісьменнік і журналіст, адзін з перакладчыкаў Бібліі на татарскую мову.

Энвер Галім
Ənwər Ğalim, Әнвәр Галим
Асабістыя звесткі
Псеўданімы	Мусабай
Дата нараджэння	15 сакавіка 1915(1915-03-15)
Месца нараджэння	Казань, Казанскі павет[d], Казанская губерня, Расійская імперыя
Дата смерці	2 сакавіка 1988(1988-03-02) (72 гады)
Месца смерці	Нью-Ёрк, Нью-Ёрк, ЗША
Грамадзянства	Расійская імперыя СССР ЗША
Прафесійная дзейнасць
Род дзейнасці	журналіст, перакладчык
Грамадская дзейнасць
Партыя	Рэспубліканская партыя ЗША

У 1938 годзе Энвер Галім скончыў Інстытут татарскай мовы і літаратуры, пасля чаго працаваў школьным настаўнікам і журналістам. У 1941 трапіў у войска, ваяваў з нацыстамі. Моцна паранены, трапіў у нямецкі палон. Знаходзячыся ў лагеры для ваеннапалонных, пачаў пісаць артыкулы для газеты «Ідэль-Урал», якая выдавалася для татарскіх легіянераў. Пасля вызвалення збаяўся вяртацца ў СССР, а каб пазбегнуць дэпартацыі, прыняў турэцкае грамадзянства і змяніў імя на Энвер Галімаглу.

Па вайне працягнуў журналісцкую кар’еру, пісаў артыкулы для часопіса татарскіх эмігрантаў «Азад Ватан» (бел.: Вольная Радзіма). У 1953—1988 працаваў радыёжурналістам у татарска-башкірскай службе Радыё «Свабода» (з 1968 — нью-ёрцкі карэспандэнт). У ЗША далучыўся да Рэспубліканскай партыі, актыўна ўдзельнічаў у палітычных мерапрыемствах.

Вольна валодаў татарскай, рускай, нямецкай, турэцкай і англійскай мовамі. Адным з яго найзначнейшых твораў стаў пераклад Бібліі на татарскую мову.