Эдуард Аляксандравіч Мазько
Эдуард Аляксандравіч Мазько (29 жніўня 1970, вёска Махро Іванаўскага раёна — 20 чэрвеня 2011, Гродна) — беларускі гісторык, паэт. Кандыдат гістарычных навук (2003)[1].
| Эдуард Мазько | |
|---|---|
| Дата нараджэння | 29 жніўня 1970 |
| Месца нараджэння | |
| Дата смерці | 20 чэрвеня 2011 (40 гадоў) |
| Месца смерці | |
| Род дзейнасці | пісьменнік, паэт |
| Навуковая сфера | гісторыя |
| Месца працы | |
| Навуковая ступень | кандыдат гістарычных навук |
| Альма-матар | |
Біяграфія правіць
Скончыў гістарычны факультэт Гродзенскага дзяржаўнага ўніверсітэта. Працаваў у музеі Максіма Багдановіча, у 1990-я актыўна друкаваў вершы, уваходзіў у верш-гурт «Дыяген» — суполку гродзенскіх літаратараў. Як паэт, абапіраўся на лепшыя традыцыі заходнееўрапейскага сюррэалізму і дэкадансу, а таксама на мастацка-эстэтычныя пошукі айчыннага прыгожага пісьменства пачатку ХХ ст.
Выкладаў у Гродзенскім дзяржаўным універсітэце імя Янкі Купалы сацыялогію культуры, культуралогію.
У 2003 абараніў кандыдацкую дысертацыю пра Беларускую хрысціянскую дэмакратыю ў міжваенны час, працаваў над доктарскай дысертацыяй, прысвечанай беларускай народнай культуры[2].
20 чэрвеня 2011 заўчасна памёр.
У 2012 годзе ў Варшаве выйшла пасмяротная кніга паэзіі «Займеннікі».
Зноскі
- ↑ Анатоль Брусeвіч. Наднёманскі край сумуе: 9 дзён таму памёр Эдуард Мазько. Твой стыль (18 ліпеня 2011).(недаступная спасылка)
- ↑ Памёр паэт, навуковец Эдуард Мазько. Радыё Свабода (18 ліпеня 2011).