Яўген Пятровіч Гладкоў

Яўген Пятровіч Гладкоў (нар. 11 кастрычніка 1941, в. Іванькава, Пермская вобласць, Расія) — беларускі цымбаліст, педагог, першы выканаўца многіх твораў беларускіх кампазітараў, народны артыст Беларусі.

Яўген Пятровіч Гладкоў
Дата нараджэння	11 кастрычніка 1941(1941-10-11) (83 гады)
Месца нараджэння	Іванькава, Q4227108?, Карагайскі раён[d], Пермская вобласць, РСФСР, СССР
Краіна	Беларусь
Альма-матар	Беларуская дзяржаўная акадэмія музыкі Гомельскі дзяржаўны каледж мастацтваў імя Н. Ф. Сакалоўскага
Месца працы	Беларуская дзяржаўная акадэмія музыкі
Музычная дзейнасць
Педагог	Іосіф Іосіфавіч Жыновіч
Узнагароды

Біяграфія

Нарадзіўся ў эвакуацыі. У 1949 годзе разам з бацькамі прыехаў у Гомель. Вучобу ў сярэдняй школе сумяшчаў з удзелам у мастацкай самадзейнасці. Выступаў з аркестрам народных інструментаў Гомельскага палаца чыгуначнікаў. Першым музычным інструментам была балалайка, але знакавымі для яго сталі цымбалы. У 1959 годзе, скончыўшы школу, паступіў у Гомельскае музычнае вучылішча імя Н. Сакалоўскага (клас цымбалістаў). Пасля заканчэння вучылішча паступіў у Беларускую кансерваторыю (клас І. Жыновіча), якую скончыў у 1968 годзе.

У 1966 годзе стаў выкладчыкам кансерваторыі (з 1980 — загадчык кафедры, з 1987 — прафесар). З 1995 года з’яўляецца членам прэзідыума Сусветнай асацыяцыі цымбалістаў. У 1997 годзе была створана Асацыяцыя беларускіх цымбалістаў, старшынёй якой стаў Я. Гладкоў.

Узнагароды

У 1999 годзе яму прысвоена званне народнага артыста Беларусі. Узнагароджаны спецыяльнымі прэміямі Прэзідэнта Рэспублікі Беларусь (2001, 2011).

Творчасць

У 1966 годзе арганізаваў канцэртны ансамбль цымбалістаў «Лілея» Беларускай дзяржаўнай акадэміі музыкі, які і сёння вядзе актыўную выканальніцкую дзейнасць, папулярызуе лепшыя беларускія народныя песні і танцы, творы беларускіх кампазітараў.

Літаратура

• Беларуская энцыклапедыя : у 18 т. — Мінск, 1997. — Т. 5. — С. 282.
• Весці Беларускай дзяржаўнай акадэміі музыкі. — 2012. — № 20. — С. 175—179.
• Жизнь в музыке : сборник статей, материалов, документов / [составитель М. С. Григорьев]. — Минск, 2014. — С. 119—123.
• Кто есть Кто в Республике Беларусь. Люди дела : энциклопедия. — Минск, 1999. — С. 106.
• Культура Беларусі : энцыклапедыя : [у 6 т.]. — Мінск, 2012. — Т. 3. — С. 50.
• Культура. — 2012. — 7 студзеня (№ 1). — С. 2, 4. Мастацтва. — 2011. — № 7. — С. 12.
• Михаил Солопов. Жизнь в музыке : сборник статей, материалов, документов / [составитель М. С. Григорьев]. — Минск, 2014. — С. 119—123.
• Нёман. — 2015. — № 9. — С. 192—203.
• Республика Беларусь : энциклопедия : [в 7 т.]. — Минск, 2006. — Т. 2. — С. 43.
• Энцыклапедыя літаратуры і мастацтва Беларусі : у 5 т. — Мінск, 1985. — Т. 2. — С. 94.