58-ы артыкул
58 Артыкул асаблівай часткі крымінальнага кодэкса РСФСР, прыняты 25 лютага 1927 года, і шматразова перагледжаны. Прадугледжваў пакаранні за дзяржаўныя, контррэвалюцыйныя злачынствы.
58-ы артыкул | |
---|---|
Дата заснавання / стварэння | 25 лютага 1927 |
Краіна | |
Юрысдыкцыя распаўсюджваецца на | РСФСР |
Дата заканчэння | 1961 |
Дадзены «палітычны» артыкул набольш за ўсё вядомы тым, што па ім праходзіла найбольшая частка ахвяраў сталінскіх рэпрэсій. Асуджаныя па ім атрымоўвалі афіцыйны статус «ворага народа». Падобныя артыкулы існавалі і ў крымінальных кодэксах саюзных рэспублік.
Пасля хрушчоўскай дэсталінізацыі крымінальны кодэкс быў істотна перапісаны.
Пункты і пакаранні правіць
Ніжэй прыводзіцца сумарызацыя пунктаў і паложаных за іх пакаранняў 58 артыкула (са змяненнямі на 1 ліпеня 1938 года).
- 58-1
Гэты пункт выносіць вызначэнне паняццю «контррэвалюцыйная дзейнасць» — такой лічыцца дзейнасць супраць СССР, іншых сацыялістычных дзяржаў, або супраць заваёваў пралятарскай рэвалюцыі.
- 58-1а
Здрада Радзіме ў шкоду ваеннай магутнасці або дзяржаўнай незалежнасці СССР (шпіянаж, выдача ваеннай тайны, пераход да ворага, уцёкі за мяжу).
Пакаранне: Расстрэл або 10 гадоў пазбаўлення свабоды з канфіскацыяй маёмасці
- 58-1б
Тыя ж злачынствы, здзейсненыя ваеннымі Чырвонай Арміі.
Пакаранне: Расстрэл
- 58-1в
Для членаў сям’і ваенных п. 58-1б, якія ведалі, але не паведамілі органам пра падрыхтоўку да злачынства
Пакаранне: ад 5 да 10 гадоў пазбаўлення свабоды з канфіскацыяй маёмасці Для ўсіх паўнагадовых членаў сям’і, якія пражывалі з гэтым ваенным:
Пакаранне: спасылка на 5 гадоў у Сібір.
- 58-1г
Неданясенне ваенным пра здраду, якая рыхтуецца.
Пакаранне: 10 гадоў пазбаўлення свабоды
- 58-2
Узброенае паўстанне, уварванне на тэрыторыю СССР з мэтай контррэвалюцыі, захоп улады, сепаратызм.
Пакаранне: Расстрэл, дэпартацыя альбо ад 3 гадоў пазбаўленьня свабоды з канфіскацыяй маёмасці.
- 58-3
Адносіны ў контррэвалюцыйных мэтах з замежнымі дзяржавамі, дапамога варожым дзяржавам.
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-4
Дапамога міжнароднай буржуазіі, удзел у антысавецкіх групах і арганізацыях. Пакаранне: Расстрэл, дэпартацыя, альбо ад 3 гадоў пазбаўлення свабоды з канфіскацыяй маёмасці.
- 58-5
Схіленне замежнай дзяржавы ці яе прадстаўнікоў да варожых дзеянняў адносна СССР.
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-6
Шпіянаж
Пакаранне: Расстрэл, дэпартацыя з канфіскацыяй, альбо ад 3 гадоў пазбаўлення свабоды з канфіскацыяй маёмасці.
У выпадках, калі збіралася інфармацыя, якая не была дзяржаўнай тайнай
Пакаранне: ад 3 гадоў пазбаўлення свабоды
- 58-7
Падрыў прамысловасці, транспарта, гандлю, крэдытнай сістэмы, сабатаж, выкарыстоўванне альбо супрацьдзеянне дзяржаўным прадпрыемствам у інтарэсах капіталістаў (г. зв. «шкодніцтва»)
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-8
Тэрарызм супраць прадстаўнікоў савецкай ўлады, удзел у тэрарыстычнай дзейнасці.
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-9
Зніштажэнне сацыялістычнай маёмасці з контррэвалюцыйні мэтамі
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-10
Антысавецкая прапаганда і агітацыя, выраб і хаванне антысавецкай літаратуры
Пакараньне: ад 6 месяцаў пазбаўлення свабоды
Тыя ж дзеянні пры народных хваляваннях, пры ваенным стане, альбо з выкарыстоўваннем рэлігійных ці нацыянальных забабонаў
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-11
Усякая дзейнасць, накіраваная да здзяйсьнення прадугледжаных у гэтым раздзеле злачынстваў
Пакаранне: меры пакарання, указаныя ў адпаведных артыкулах гэтага раздзела
- 58-12
Наданясенне аб вядомым ці здзейсненым контррэвалюцыйным злачынстве, або падрыхтоўцы да яго
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-13
Актыўныя дзеянні ці змаганне супраць працоўнага класа і рэвалюцыйнага руху пры царскім ладзе або ў контррэвалюцыйных урадаў у час грамадзянскай вайны
Пакаранне: Расстрэл, дэпартацыя альбо ад 3 гадоў пазбаўлення свабоды з канфіскацыяй маёмасці.
- 58-14
Контррэвалюцыйны сабатаж
Пакаранне: ад 1 года пазбаўлення свабоды з канфіскацыяй усяго ці часткі маёмасці, пры абцяжваючых абставінах — усутыч да расстрэлу.
Літаратура правіць
Крымінальны кодэкс РСФСР, са змяненнямі на 1 ліпеня 1938 г. Юрыдычнае выдавецтва Народнага Камісарыята Юстыцыі СССР, 1938 г. Сс. 27-32.
Спасылкі правіць
- Уголовный кодекс РСФСР. Особенная часть Архівавана 10 лютага 2009. (руск.)