Вікіпедыя

Advent of Code

Advent of Code — штогадовае мерапрыемства па камп’ютарным праграмаванні, набор задач на калядную тэматыку, якія прапануюцца ў фармаце Адвент-календара[1][2]. Праводзіцца з 2015 года[3].

Advent of Code
Статус актыўнае
Дата першага правядзення 1—25 снежня 2015 г.
Дата апошняга правядзення 1—25 снежня 2023 г.
Арганізатар Эрык Уостл (Eric Wastl)
Вэб-сайт Advent of Code

Задачы разлічаны на розны ўзровень кваліфікацыі ўдзельнікаў, правяраюць розныя навыкі, рашаць іх можна на любой мове праграмавання. Каб удзельнікі маглі спаборнічаць у хуткасці рашэння, ёсць глабальная табліца лідараў, і прадугледжана магчымасць ствараць прыватныя (закрытыя) табліцы[1].

Заснаваў мерапрыемства і дагэтуль яго праводзіць інжынер-праграміст Эрык Уостл (Eric Wastl).

Гісторыя правіць

Advent of Code быў створаны Уостлам, які па-ранейшаму адзін займаецца падтрымкай праекта і цяпер[1][4].

Мерапрыемства было ўпершыню запушчана 1 снежня 2015 года. Да поўначы па часе ўсходняга ўзбярэжжа ЗША (UTC −05:00) на ўдзел у мерапрыемстве зарэгістраваўся 81 чалавек — крыху больш за запланаваную Уостлам колькасць у 70 удзельнікаў. На працягу наступных 12 гадзін далучыліся яшчэ каля 4000 чалавек, што ледзь не прывяло да збою сістэмы. Праз два дні было ўжо каля 15 тысяч удзельнікаў, а да канца мерапрыемства ў 2015 годзе агульная колькасць удзельнікаў вырасла да 52 тысяч[5].

У 2020 годзе, магчыма, з-за пандэміі COVID-19, наведвальнасць мерапрыемства вырасла на 50 % — больш за 180 тысяч чалавек па ўсім свеце ўзялі ўдзел у Advent of Code[5].

4 снежня 2022 года Уостл абвясціў, што праект дасягнуў аднаго мільёна зарэгістраваных карыстальнікаў[6].

Структура задач правіць

Кожная задача складаецца з дзвюх частак, якія трэба рашаць па парадку[7][8]. Другая частка не паказваецца ўдзельніку, пакуль той не дасць правільны адказ на першую частку[9]. За кожную выкананую частку задачы ўдзельніку налічваецца адна залатая зорка, такім чынам, максімальна можна набраць дзве зоркі за дзень і пяцьдзясят зорак на ўсім працягу мерапрыемства[9].

У задачах ёсць выдуманая перадгісторыя, аднолькавая для ўсіх удзельнікаў, але ўваходныя даныя для разлікаў у кожнага ўдзельніка свае, так што правільныя адказы будуць рознымі[9].

Задачы публікуюцца штодня з 1 па 25 снежня апоўначы па часе ўсходняга ўзбярэжжа ЗША. Час на іх рашэнне не абмежаваны, і задачы мінулых гадоў застаюцца даступнымі для рашэння.

Некаторыя ўдзельнікі спрабавалі выкарыстоўваць такія інструменты, як GitHub Copilot  (англ.) (бел. і ChatGPT, для дапамогі ў рашэнні задач. У 2023 годзе Уостл запатрабаваў, каб удзельнікі ўстрымліваліся ад выкарыстання гэтых інструментаў да таго часу, пакуль не запоўніцца табліца лідараў за дзень; па яго словах, «табліцы лідараў прызначаны для спаборніцтва людзей»[10].

Падрыхтоўка правіць

Згодна з каментаром у HTML-кодзе на кожнай старонцы вэб-сайта мерапрыемства, платформа для правядзення Advent of Code напісана на мове Perl. Уостл сцвярджае, што самастойна распрацаваў амаль увесь вэб-сайт, у тым ліку яго дызайн, анімацыю, тэксты і задачы. Староннія сэрвісы ўжываюцца для аўтарызацыі карыстальнікаў, аналітыкі і інтэграцыі з сацыяльнымі сеткамі[1].

Кожны год Уостл загадзя стварае і тэсціруе 25 задач. Гэта займае 4—5 месяцаў працы штогод[1].

Крыніцы правіць

  1. ↑ а б в г д Wastl, Eric. About (англ.). Advent of Code (25 красавіка 2022). Праверана 10 снежня 2022.
  2. ↑ Joyce, Kara E. Brain teasers and other fun tips for learning Python (англ.). SearchBusinessAnalytics. TechTarget (11 лістапада 2020). Архівавана з першакрыніцы 12 лістапада 2020. Праверана 12 мая 2021.
  3. ↑ Speed, Richard. On the first day of Christmas, my true love gave to me... a coding puzzle and it's a doozy (англ.). The Register (1 снежня 2021). Архівавана з першакрыніцы 1 снежня 2021. Праверана 5 снежня 2021.
  4. ↑ Warren, Christina. The Download: Clippy Sweaters, ChatGPT Mania, Advent of Code and more (англ.). GitHub via YouTube (9 снежня 2022). Праверана 11 снежня 2022.
  5. ↑ а б Roberts, Siobhan. This puzzle challenge brings joy to the world of code (англ.). MIT Technology Review (17 снежня 2021). Праверана 20 лютага 2022.
  6. ↑ ericwastl. #AdventOfCode just hit 🌟1,000,000🌟 registered users!!!. Твітэр. Праверана 10 снежня 2022.
  7. ↑ Gee, Sue. Advent Of Code For Programmers (англ.). I Programmer (6 снежня 2020). Архівавана з першакрыніцы 6 снежня 2020. Праверана 12 мая 2021.
  8. ↑ Fisher, Kenneth. SQL Homework – December 2020 – Participate in the Advent of Code. from Blog Posts – SQLServerCentral (англ.). Packt Hub (3 снежня 2020). Архівавана з першакрыніцы 26 студзеня 2021. Праверана 12 мая 2021.
  9. ↑ а б в Hjelle, Geir Arne. Advent of Code: Solving Your Puzzles With Python (англ.). Real Python (1 снежня 2021). Праверана 20 лютага 2022.
  10. ↑ About - Advent of Code 2023 (англ.). adventofcode.com. Праверана 22 кастрычніка 2023.

Спасылкі правіць

Узята з "https://be.wikipedia.org/w/index.php?title=Advent_of_Code&oldid=4651912"