Вікіпедыя

Binance

Binance Holdings Ltd., брэнд Binance – міжнародная кампанія[2], якая кіруе найбуйнейшай крыптавалютнай біржай па сутачным аб'ёме таргоў. Кампанія Binance была заснавана ў 2017 годзе Чанпэнам Чжао, распрацоўшчыкам, які раней ствараў праграмнае забеспячэнне для высокачастотнага трэйдзінгу[3]. Першапачаткова Binance базавалася ў Кітаі, але затым перанесла сваю штаб-кватэру незадоўга да таго, як кітайскі ўрад увёў рэгуляванне гандлю крыптавалютамі.

Binance
Тып дэлаверская карпарацыя[d]
Заснаванне 2017
Заснавальнікі Чанпэн Чжао,
Йі Хэ
Размяшчэнне
Ключавыя постаці Чанпэн Чжао (CEO)
Галіна крыптавалютная індустрыя[d][1]
Прадукцыя Крыптавалютная біржа, Крыптавалюты
Сайт binance.com
binance.com/zh-CN

У 2021 г. у дачыненні да Binance было распачата расследаванне з боку Міністэрства юстыцыі ЗША і Падатковай службы па абвінавачанні ў адмыванні грошай і падатковых злачынствах[4][5][6]. У чэрвені 2021 г. Упраўленне па фінансавым рэгуляванні і наглядзе Вялікабрытаніі загадала Binance спыніць усю рэгуляваную дзейнасць у Злучаным Каралеўстве[7]. У тым жа годзе Binance перадала расійскаму ўраду дадзеныя аб кліентах, у тым ліку імёны і адрасы[8].

Гісторыя правіць

 
Торт у гонар 5-гадовага дня нараджэння Binance у Парыжы ў ліпені 2022 года.

2013–2017: пачатак кампаніі і пераезд з Кітая правіць

Генеральны дырэктар Чанпэн Чжао у 2005 годзе ў Шанхаі заснаваў кампанію Fusion Systems, якая займалася стварэннем высокачастотных гандлёвых сістэм для біржавых брокераў. У 2013 годзе ён далучыўся да Blockchain.info у якасці трэцяга чальца каманды крыптавалютнага кашалька. Менш года прапрацаваў у кампаніі OKCoin у якасці тэхнічнага дырэктара (платформа для спот-трэйдзінгу паміж фіятнымі і лічбавымі актывамі)[9]. У 2014 годзе ён быў прыняты на гэтую пасаду дзякуючы Йі Хэ, разам з якім праз некалькі гадоў стаў сузаснавальнікам Binance[10].

Кампанія была заснавана ў 2017 годзе ў Кітаі, але перанесла свае серверы і штаб-кватэру за межы краіны напярэдадні забароны кітайскага ўрада на гандаль крыптавалютамі ў верасні 2017 года[11]. Чжао прапанаваў Хэ далучыцца да Binance, і яна дапамагла перапісаць частку тэхнічнай дакументацыі для першаснага размяшчэння манет Binance на суму 15 млн дол[10].

Манета Binance (BNB) правіць

Кампанія запусціла дзве крыптавалюты, якія распрацавала самастойна: Binance Coin (BNB) і BinanceUSD (BUSD)[12]. BNB была запушчана ў ліпені 2017 года і пачыналася як токен Ethereum[13], а затым перайшла на Binance Smart Chain (BSC)[14], запушчаны ў верасні 2020 года[15]. Пазней BSC аб'ядналася са старым Binance Chain і была рэбрэндавана ў BNB Chain[16][17]. BNB Chain працуе па прынцыпе «Proof of Staked Authority», які прадстаўляе сабой камбінацыю доказаў долі і паўнамоцтваў. У яе ёсць 21 зацверджаны валідатар. Па стане на 2021 год Binance Coin з'яўлялася крыптавалютай з трэцяй па велічыні рынкавай капіталізацыяй[12]. Binance дазваляе сваім карыстальнікам аплочваць камісіі на сваёй біржы з дапамогай BNB[12].

BNB Chain падтрымлівае смарт-кантракты і сумяшчальны з віртуальнай машынай Ethereum (EVM)[18].

У адрас Binance Smart Chain неаднаразова выказваліся крытычныя заўвагі наконт узроўню цэнтралізацыі, які прыводзіў да з'яўлення некалькіх эксплойтаў у сетцы[16].

BUSD правіць

BUSD, або Binance USD -– гэта стэйблкоін, прывязаны да долара ЗША, выпушчаны кампаніяй Binance[19]. Паводле заявы Binance, ён забяспечаны рэзервам долараў ЗША ў суадносінах 1:1 і быў створаны імі ў партнёрстве з кампаніяй Paxos, якая з'яўляецца эмітэнтам токена. Paxos трымае рэзервы толькі часткова ў гатоўцы, размешчаных на рахунках у амерыканскіх банках, а іншая частка захоўваецца ў казначэйскіх аблігацыях ЗША. BUSD выпускаецца на блокчэйне Ethereum кампаніяй Paxos. Binance стварае Binance-Peg BUSD шляхам блакавання зыходнага ERC-20 BUSD у смарт-кантракце на блокчэйне Ethereum і выпуску Binance-Peg BUSD, эквівалентнага суме, якая знаходзіцца ў рэзерве ў смарт-кантракце. Binance-Peg BUSD з'яўляецца роднай для BNB chain[20].

У студзені 2023 г. агенцтва Bloomberg паведаміла, што Binance-Peg BUSD "часта адчувала недахоп забеспячэння ў перыяд з 2020 па 2021 гг. У трох асобных выпадках разрыў паміж рэзервамі і прапановай перавышаў 1 млрд. дол". Прадстаўнік Binance заявіў, што "працэс падтрымання забеспячэння... не заўсёды быў бездакорным", але "ён быў значна палепшаны дзякуючы ўзмоцненай праверцы разыходжанняў"[21].

BUSD – шырока распаўсюджаная стабільная манета, якая па стане на 2022 год з'яўляецца трэцяй па рынкавай капіталізацыі[22] пасля Tether (USDT) і USD Coin (USDC)[23].

Па наяўных даных, Дэпартамент фінансавых паслуг Нью-Ёрка выдаў кампаніі Paxos прадпісанне спыніць чаканку новых токенаў BUSD у лютым 2023 года[24][25].

Зноскі

  1. ↑ https://comet.online
  2. ↑ Who Is Guangying Chen, and Is Binance a "Chinese Company"? (англ.). Binance Blog (1 верасня 2022). — «We have subsidiaries in many countries, including France, Spain, Italy, UAE, and Bahrain,»  Праверана 23 мая 2023.
  3. ↑ Peters. Binance Exchange. Investopedia (17 лютага 2023). Архівавана з першакрыніцы 14 May 2018.
  4. ↑ Binance Faces Probe by U.S. Money-Laundering and Tax Sleuths (англ.). Bloomberg.com (13 мая 2021). Праверана 5 верасня 2023.
  5. ↑ Schoenberg. Binance Faces Probe by U.S. Money-Laundering and Tax Sleuths. Bloomberg.com (13 мая 2021). Архівавана з першакрыніцы 13 May 2021. Праверана 13 мая 2021.
  6. ↑ Binance under investigation by Justice Department, IRS – Bloomberg News. Reuters (13 мая 2021). Праверана 13 мая 2021.
  7. ↑ Consumer warning on Binance Markets Limited and the Binance Group. fca.org.uk (26 чэрвеня 2021). Архівавана з першакрыніцы 26 June 2021. Праверана 8 снежня 2021.
  8. ↑ Berwick, Angus. Special Report: How crypto giant Binance built ties to a Russian FSB-linked agency (англ.). Reuters (22 красавіка 2022). Праверана 5 верасня 2023.
  9. ↑ Ambler, Pamela. From Zero To Crypto Billionaire In Under A Year: Meet The Founder Of Binance (англ.). Forbes. Праверана 5 верасня 2023.
  10. ↑ а б Shen M., Lee J. Crypto’s Most Powerful Woman Speaks Out as Crisis Rocks Binance // Bloomberg News — New York City: 2023.
  11. ↑ Xiao, Eva (30 November 2017). "Three months after launch, this unbanked crypto exchange made $7.5m in profit". Tech in Asia.
  12. ↑ а б в Anneken. Bitcoin? Ethereum? Dogecoin? Your guide to the biggest names in crypto. CNN (22 красавіка 2021). Архівавана з першакрыніцы 22 April 2021. Праверана 12 мая 2021.
  13. ↑ Binance Coin (BNB) (англ.). Corporate Finance Institute (6 снежня 2022). Архівавана з першакрыніцы 7 студзеня 2023. Праверана 7 студзеня 2023.
  14. ↑ Vigna, Paul (2021-05-03). "Ethereum Is Booming in the NFT Frenzy—So Is Network Congestion". The Wall Street Journal. {{cite news}}: Вонкавая спасылка ў |archivedate= (даведка); Праверце значэнне даты ў: |archivedate= (даведка)Папярэджанні CS1: url-status (link)
  15. ↑ Battle of the blockchains: Binance Smart Chain versus Ethereum (англ.). uk.finance.yahoo.com (29 кастрычніка 2021). Праверана 10 верасня 2022.
  16. ↑ а б Odejumo, Oluwapelumi (16 February 2022). "Binance Smart Chain Rebrands to BNB Chain, Reveals Multi-chain Goal". Yahoo Finance. {{cite news}}: Вонкавая спасылка ў |archivedate= (даведка); Праверце значэнне даты ў: |archivedate= (даведка)Папярэджанні CS1: url-status (link)
  17. ↑ Introducing BNB Chain: The Evolution of Binance Smart Chain. Binance (15 лютага 2022). Архівавана з першакрыніцы 15 August 2022. Праверана 19 August 2022.
  18. ↑ A complete guide to BNB Smart Chain. imToken. Архівавана з першакрыніцы 7 студзеня 2023. Праверана 7 студзеня 2023.
  19. ↑ Howcroft, Elizabeth (11 August 2022). "Crypto derivatives volumes surge to $3.12 trillion in July - CryptoCompare". Reuters. BinanceUSD - a stablecoin issued by crypto exchange Binance
  20. ↑ What Is BUSD?(недаступная спасылка). Binance Academy. Binance (28 чэрвеня 2022). Архівавана з першакрыніцы 6 красавіка 2023. Праверана 19 August 2022.
  21. ↑ Nicolle. Binance Acknowledges Past Flaws in Maintaining Stablecoin Backing (англ.). Bloomberg.com (10 студзеня 2023). Праверана 11 January 2023.
  22. ↑ Eichengreen, Barry (February 2022). "Stablecoins and Central Bank Digital Currencies: Policy and Regulatory Challenges*". {{cite journal}}: Шаблон цытавання journal патрабуе |journal= (даведка)
  23. ↑ Y. Liao, Gordon (January 2022). "Stablecoins: Growth Potential and Impact on Banking". {{cite journal}}: Шаблон цытавання journal патрабуе |journal= (даведка)
  24. ↑ Ostroff, Patricia Kowsmann and Caitlin (13 February 2023). "Crypto Firm Paxos to Stop Issuing Dollar-Pegged Binance Token". Wall Street Journal.
  25. ↑ Vardai. Paxos ordered to stop issuing Binance USD stablecoin: report (англ.). Yahoo! Finance (13 лютага 2023). Праверана 13 лютага 2023.
Узята з "https://be.wikipedia.org/w/index.php?title=Binance&oldid=4701374"