Кукурбітарыя

Кукурбітарыя (Cucurbitaria) — род сумчатых грыбоў сямейства Cucurbitariaceae.

Кукурбітарыя
Cucurbitaria laburni
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Dothideomycetes Падклас:  Pleosporomycetidae Парадак:  Pleosporales Сямейства:  Cucurbitariaceae Род:  Кукурбітарыя
Міжнародная навуковая назва
Cucurbitaria Gray (1821)
Сінонімы
Crotonocarpia Fuckel, 1870 Cyathisphaera Dumort., 1822 Gemmamyces Casagr., 1969 Leucothyridium Speg., 1909 Phialospora Raf., 1832
Наменклатурны тып
Cucurbitaria berberidis
Сістэматыка на Віківідах Выявы на Вікісховішчы NCBI   45141 EOL   19674 MB   1348

Апісанне

Пладовыя целы (псеўдатэцыі) цесна згуртаваныя або адзіночныя, чорныя, чорна-бурыя, няправільна-шарападобныя або шарападобныя, з круглаватай адтулінай, гладкія ці шурпатыя; размешчаныя ў паглыбленай у субстрат, потым выступаючай добра развітай стоме. Сумкі падоўжана-цыліндрычныя, у большасці відаў з ножкай, 8-споравыя. Споры яйцападобныя, эліпсоідныя, жаўтавата-карычневыя.

Арэал і экалогія

Пашыраны ў Еўразіі і Паўночнай Амерыцы. Развіваюцца на адмерлых галінках дрэвавых і кустовых раслін, садзейнічаюць іх частковай мінералізацыі. На Беларусі найчасцей трапляюцца кукурбітарыя парэчкавая (Cucurbitaria ribis), кукурбітарыя скрытая (Cucurbitaria occulata) — на шыпшыне, кукурбітарыя крушынавая (Cucurbitaria rhamni), кукурбітарыя караганнікавая (Cucurbitaria caraganae).

Літаратура

• Пякельная Т. Кукурбітарыя // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал.: І. П. Шамякін (гал. рэд.) і інш. — Мн.: БелСЭ, 1984.