Glock 17

Glock 17 (Глок-17, Р80) — аўстрыйскі пісталет, распрацаваны фірмай «Glock» для патрэб аўстрыйскай арміі. Быў першым узорам узбраення, распрацаваным фірмай. Створаны пісталет аказаўся даволі ўдалым і зручным для ўжывання, таму пазней прыняты на ўзбраенне арміі Аўстрыі пад пазначэннем Р80. Пазней пісталеты фірмы «Глок» сталі шырока вядомы сваімі баявымі якасцямі і распаўсюджанасцю як зброя герояў розных галівудскіх фільмаў. Зброя гэтай мадэлі шырока распаўсюдзілася па свеце. Цяпер ёсць шмат розных варыянтаў гэтага пісталета, якія разлічаны пад розныя патроны (9×19 мм Парабэлум, .40 S&W, 10 мм auto, .357 SIG, .45 ACP і іншыя).

Glock 17
Апісанне
Тып:	самазарадны пісталет
Краіна:	Аўстрыя
Гады эксплуатацыі:	з 1982 (армія Аўстрыі)
Гісторыя мадэлі
Канструктар:	Гастан Глок
Выраблялася:	Glock
Характарыстыкі
Маса, кг:	0,62 (без патронаў) 0,87 (поўны магазін)
Даўжыня, мм:	188
Даўжыня ствала, мм:	114
Колькасць нарэзаў ствала	6
Нарэзка ствала:	правабокавая
Шырыня, мм:	33
Вышыня, мм:	138
Калібр, мм:	9 мм
Патроны:	9x19 Para
Прынцып дзеяння:	аддача ствала з кароткім ходам
Хуткастрэльнасць, стрэлаў/хв:	1200
Боезабеспячэнне:	магазін на 17 (стандартны), 19 ці 33 патрона
Прыцэльная дальнасць стральбы, м:	50 м
Даўжыня прыцэльнай лініі	165
Агульны рэсурс:	300–350 тыс. стрэлаў
Характарыстыкі пры выкарыстанні стандартнага патрона
Пачатковая хуткасць кулі, м/с:	350–360 м/с
Пошук выяў у ВікіСховішчы

Асаблівасць канструкцыі пісталета — адсутнасць сцяжка засцерагальніка і цынгеля. Пісталет большай часткай зроблены з высокатрывалага тэрмаўстойлівага (да 200 °C) пластыка. Дзякуючы гэтаму Glock 17 лёгкі і надзвычай трывалы. Прынцып дзеяння — «выхапіў і страляй», засцерагальніка няма, аднак стрэл не адбудзецца без поўнага націску спускавога кручка «бяспечнага дзеяння». Складаецца з 33 частак, і няпоўная разборка здзяйсняецца за секунды.

Пісталет «Глок-17» з’яўляецца родапачынальнікам новай, раней не існуючай, канструктарскай традыцыі шырокага ўжывання палімерных матэрыялаў у вытворчасці зброі. Нягледзячы на адсутнасць досведу ў фірмы «Глок», якая раней не вырабляла пісталеты, дадзеная мадэль атрымалася вельмі ўдалай. Яна спалучае ў сабе шэраг дадатных якасцяў, такіх, як лёгкасць, высокая зносаўстойлівасць, надзейнасць, здавальняючая кучнасць стральбы, прастата і лёгкасць тэхнічнага абслугоўвання, устойлівасць да карозіі і шкодным фактарам навакольнага асяроддзя. Менавіта з прычыны ўдалай канструкцыі і несумненных вартасцей «Глок-17» набыў сусветную вядомасць і так шырока распаўсюдзіўся.

Эксплуатанты

• Ісландыя — у 2006 і 2012 годзе для патрэб Ісландскай берагавой аховы закуплена 9 штук Глок-17.

Glock 17 у гульнях

• Counter-Strike

Спасылкі

• На Вікісховішчы ёсць медыяфайлы па тэме Glock 17