Counter-Strike

Counter-Strike, таксама вядомая як Half-Life: Counter-Strike — многакарыстальніцкая камп’ютарная гульня ў жанры шутара ад першай асобы, распрацаваная і выпушчаная для «Microsoft Windows» амерыканскай кампаніяй «Valve». Першапачаткова Counter-Strike уяўляла сабой карыстацкую мадыфікацыю да гульні Half-Life, распрацаваную энтузіястамі Мінэмам Ле і Джэсам Кліфам у 1999 годзе; у далейшым «Valve» наняла абодвух распрацоўшчыкаў на працу і набыла ў іх права інтэлектуальнай уласнасці на гульню, у 2000 годзе выпусціўшы дапрацаваную версію Counter-Strike ужо як самастойную гульню. Гульня была ў розныя гады партавана на шэраг платформаў, у тым ліку macOS, Linux і Xbox.

Counter-Strike
Распрацоўшчык	Valve Corporation
Выдаўцы	Valve Corporation, Sierra Entertainment[d] і Nexon[d]
Частка серыі	Counter-Strike
Даты выпуску	19 чэрвеня 1999, 9 лістапада 2000 і 25 студзеня 2013
Ліцэнзія	бясплатнае праграмнае забеспячэнне[d]
Апошняя бэта-версія	1.0 (beta) (19 чэрвеня 1999)
Жанры	tactical shooter[d] і шутар ад першай асобы
Стваральнікі
Геймдызайнеры	Valve Corporation, id Software, Hidden Path Entertainment[d], Gearbox Software[d], Ritual Entertainment[d], Nexon[d] і Turtle Rock Studios[d]
Тэхнічныя даныя
Платформы	Linux, Xbox, Windows і macOS
Гульнявыя рухавікі	GoldSrc[d] і GoldSrc[d]
Рэжым гульні	шматкарыстальніцкая гульня
Мовы інтэрфейсу	англійская, французская, нямецкая, італьянская мова, іспанская, спрошчаная кітайская, традыцыйная кітайская[d] і карэйская
Носьбіты	аптычны дыск, лічбавае распаўсюджванне[d] і лічбавая спампоўка[d]
Кіраванне	камп’ютарная клавіятура, камп’ютарная мыш і Мікрафон
Медыяфайлы на Вікісховішчы

Гульнявы працэс Counter-Strike праходзіць у фармаце разбітага на некалькі раўндаў матчу паміж двума камандамі гульцоў, адна з якіх мае ролю «тэрарыстаў», а іншая — контртэрарыстычнага спецназа; перад пачаткам кожнага матчу гульцы выбіраюць «карту», на якой будзе адбывацца бітва. Каманда можа дамагчыся перамогі ў раўндзе, проста перабіўшы ўсіх праціўнікаў альбо выканаўшы пэўныя заданні, якія могуць адрознівацца для розных карт. У пачатку кожнага раўнда гульцы могуць купіць зброю і дапаможны рыштунак за гульнявую валюту; па выніках кожнага раўнда гульцы атрымліваюць пэўную суму віртуальных грошай, якія могуць выкарыстоўваць для набыцця больш магутнай і эфектыўнай зброі ў наступным раўндзе.

Counter-Strike атрымала надзвычай высокія водгукі крытыкаў і набыла велізарную папулярнасць сярод гульцоў, у тым ліку як адна з найбольш папулярных кіберспартыўных дысцыплін у 2000-х гадах. У далейшым быў выпушчаны шэраг гульняў-працягаў і нашчадкаў — серыя Counter-Strike; у прэсе і сярод гульцоў для больш дакладнага ўказання на першую гульню ў серыі таксама выкарыстоўваецца назва Counter-Strike 1.6, дзе «1.6» — апошняе буйное абнаўленне, якое гульня атрымала ў 2003 годзе.

Спасылкі

• Valve (англ.) — Афіцыйны сайт Valve Corporation.