Indela-9
Indela-9 — беларускі беспілотны лятальны апарат, распрацаваны ТАА «КБ Індэла».
| Indela-9 | |
|---|---|
| Тып | беспілотны лятальны апарат |
| Распрацоўшчык | ТАА «КБ Індэла» |
| Першы палёт | 2008 |
| Эксплуатанты |
 Беларусь |
| Варыянты | Indela-9M |
Апісанне правіць
Корпус планера выкананы з кампазітных матэрыялаў і разлічаны на шматразовае прымяненне. Палётнае заданне можа выконвацца аўтаномным і радыёкарэктуемым спосабамі[1]. Дрон выкарыстоўвае оптыка-электронную сістэму з убудаваным лазерным дальнамерам. Сістэма падвескі двухвосевая з прамым прывадам, цалкам інтэгравана[2]. Канструкцыя апарата ўладкована такім спосабам, што яе пілатажна-навігацыйнае абсталяванне можна мяняць і пераўкамплектоўваць (па жаданні заказчыка), што ў сваю чаргу павялічвае дыяпазон магчымых задач[1].
Важнай асаблівасцю беспілотніка з’яўляецца наяўнасць электрарухавіка, чаго не было ў папярэдніх распрацоўках кампаніі «Indela»[3].
Функцыянал правіць
«Indela-9» можа прыцягвацца да рознага роду дзейнасці, у тым ліку[1]:
- маніторынг месцаў пажараў, тэхнагенных здарэнняў, паводак, масавых беспарадкаў і тэрарыстычных пагроз;
- ажыццяўленне пошукавых работ;
- правядзенне аэраздымкі мясцовасці;
- агляд ліній трубаправодаў і электраперадач, выяўленне пашкоджанняў і дэфектаў;
- выкананне паветранай разведкі;
- ажыццяўленне ахоўных мерапрыемстваў закрытых аб’ектаў і вялікіх тэрыторый;
- сачэнне за рухомымі мэтамі.
Характарыстыкі правіць
Размах крылаў «Indela-9» даволі вялікі ў параўнанні з яго папярэднікам «Indela-6» – 9,1 м. Максімальная ўзлётная нагрузка складае 65 кг, а колькасць паліва — 20 л. Цяга аднаго рухавіка роўна 12,5 кВт, што дазваляе развіваць хуткасць да 140 км/г. Працягласць палёту — 10 гадзін, а статычны столь — 4 км[1].
Варыяцыі правіць
- Indela-9M — працягласць палёту павялічана да 15 гадзін[3].