Porsche 912
Porsche 912 — гэта спартыўны аўтамабіль, які выпускаўся кампаніяй Porsche з 1965 па 1969 год.
| Porsche 912 | ||||||
|---|---|---|---|---|---|---|
.JPG) | ||||||
| Вытворца | Porsche | |||||
| Гады выпуску | 1965—1969 | |||||
| Храналогія | ||||||
| ||||||
 Porsche 912 на Вікісховішчы | ||||||
Porsche 912 (1965–1969) правіць
Перадумовай да распрацоўкі аўтамабіля паслужыла тое, што Porsche 911 каштаваў значна даражэй свайго папярэдніка. Таму адразу ж пасля пачатку кампанія Porsche прымае рашэнне пачаць выпуск больш даступнага аўтамабіля. Праз восем месяцаў пасля пачатку серыйнай вытворчасці «911» да яго дадалася таннейшая чатырохцыліндравая мадэль: Porsche 912. Яе цана ў ФРГ у 1965 годзе складала 16 250 марак, што было на 5650 марак танней «911». За першы год быў прададзены 6401 аўтамабіль, што было амаль удвая больш, чым «911».
З красавіка 1965 года па жнівень 1969 года было выраблена 30 745 асобнікаў (у тым ліку 2 544 з кузавам тарга)[1]. Прамым нашчадкам Porsche 912 стаў Porsche 914.
| 1966 | 1967 | 1968 | 1969 |
|---|---|---|---|
| 9 273 | 6 412 | 5 114 | 2 536 |
Канструкцыя правіць
.JPG)
.JPG)
Галоўным адрозненнем Porsche 912 ад «911» з’яўляецца рухавік: чатырохцыліндравы, аб’ёмам 1,6 л, запазычаны ў «356 SC». Інжынеры дапрацавалі яго і ўнеслі ў яго толькі невялікія змены: размеркавальны вал, клапанны механізм і клапаны. У выніку магутнасць знізілася на 5 к.с. да 90 к.с., але цяпер максімальны круцільны момант у 122 Нм дасягаўся пры 3500 замест 4200 аб/хв.
Знешне Porsche 912 быў амаль ідэнтычным мацнейшаму «911», але меў бяднейшае стандартнае абсталяванне. На пярэдняй панэлі былі тры прыборы замест пяці, а замест драўлянага аздаблення выкарыстоўваўся пластык і алюміній. Падобна «911», «912» быў даступны з кузавамі купэ і тарга. Тарга магла мець дах з мяккім плёначным акном або са шкляным акном.
Шасі таксама ўзята ад 911: пярэдняя падвеска — незалежная, тарсіённая, а ззаду выкарыстоўваецца незалежная падвеска з падоўжнымі рычагамі і папярочнымі тарсіёнамі. Меншы рухавік быў значна лягчэй, чым шасціцыліндравы матор Porsche 911, дзякуючы чаму машына важыла на 100 кг менш. «912» таксама меў лепшае размеркаванне вагі (44:56 супраць 41:59 у «911») і не меў уласцівай «911»-й мадэлі залішняй паваротлівасці.
Тэхнічныя характарыстыкі правіць
| Агульныя | ||
|---|---|---|
| Кузаў | апорны, сталёвы, двухдзверны, тыпу купэ або тарга | |
| Маса без нагрузкі, кг | 995 | |
| Макс. дазволеная маса, кг | 1290 | |
| Габарыты: даўжыня × шырыня × вышыня, мм | 4163 × 1610 × 1320 | |
| Колавая база, мм | 2211 | |
| Каляіна: спераду / ззаду, мм | 1337 / 1317 з ліпеня 1966 года: 1353 / 1321 са жніўня 1967 года: 1367 / 1335 | |
| Радыус павароту, м | 10,3 | |
| Разгон да 100 км/г, с | 13,5 | |
| Макс. хуткасць, км/г | 183 | |
| Расход паліва, л/100 км | 12 | |
| Змяшчальнасць паліўнага бака, л | 62 | |
| Батарэя | 12 V 45 А·г | |
| Рухавік | ||
| Тып | бензінавы, апазітны, чатыроцыліндравы | |
| Аб’ём, см³ | 1582 | |
| Дыяметр цыліндра × ход поршня, мм | 82,5×74 | |
| Магутнасць, к.с. пры аб/хв | 90 к.с. пры 5800 аб/хв | |
| Макс. круцільны момант | 12,4 кгс·м пры 3500 аб/хв | |
| Ступень сціску | 1:9,3 | |
| Трансмісія | ||
| Каробка перадач | чатырохступеньчатая, механічная | пяціступеньчатая, механічная |
| Перадатачныя лікі | I — 3,091, II — 1,684, III — 1,125, IV — 0,857 | I — 3,091, II — 1,889, III — 1,318, IV — 1,040, V — 0,857 |
| Галоўная перадача | 4,428 | |
| Шасі | ||
| Пярэдняя падвеска | незалежная, з ніжнім рычагом і падоўжных тарсіёнах, са стабілізатарам | |
| Задняя падвеска | незалежная, на падоўжных рычагах і папярочныя тарсіёнах | |
| Рулявое кіраванне | рэечнае | |
| Тармазы | гідраўлічныя, са жніўня 1967 года двухконтурныя, дыскавыя (спераду: ⌀ 282 мм, ззаду: ⌀ 285 мм) | |
| Дыскі | 4½ Jx15 са жніўня 1967 года: 5½ Jx15 | |
| Шыны | 6,95 H 15 або 165 HR 15 | |
У спорце правіць
Хоць аўтамабіль ствараўся для вулічнай язды, ён таксама выкарыстоўваўся ў ралі. У 1967 годзе Сабеслаў Засада перамог на Porsche 912 у Чэмпіянаце Еўропы ў класе Touring.
Porsche 912E (1976) правіць
У маі 1975 года ў Паўночнай Амерыцы пад назвай «Porsche 912Е» (унутраны завадскі індэкс Porsche 923) была прадстаўлена мадэль для часовай замены «914», на той час, пакуль ідзе распрацоўка Porsche 924. Машына павінна была падаграваць цікавасць амерыканцаў да прадукцыі фірмы да выхаду навінкі.
Аўтамабіль меў рухавік Volkswagen з паветраным астуджэннем аб’ёмам 2,0 л, які раней усталёўваўся на «914/4». Знешне «912Е» адпавядаў Porsche 911 серыі G.
За адзін год было выраблена 2092 асобнікі[4].
Зноскі правіць
- ↑ W. Oswald 1979, с. 388.
- ↑ W. Oswald 1979, с. 464.
- ↑ W. Oswald 1979, с. 391.
- ↑ Porsche 912 E : en attendant la 924 (фр.). carjager.com (3 чэрвеня 2019). Праверана 11 красавіка 2024.
Літаратура правіць
- Werner Oswald. Deutsche Autos 1945-1975. Alle deutschen Personenwagen der letzten 30 Jahre (ням.). — 4. Auflage. — Stuttgart: Motorbuch Verlag, 1979. — 464 с. — ISBN 3-87943-391-7.
Спасылкі правіць
На Вікісховішчы ёсць медыяфайлы па тэме Porsche 912- Dirk Johae. Porsche 912 - Preise in 5 Jahren verdoppelt (ням.). Auto Motor und Sport (16 снежня 2015). Праверана 11 красавіка 2024.
- Porsche 912: Klassiker des Tages. Der kleine, feine Bruder des Porsche 911 (ням.). Auto Bild (25 лістапада 2023). Праверана 11 красавіка 2024.
