Reform.news
Reformation (вымаўляецца рэфармацыя) або Reform.news, да красавіка 2024 — Reform.by — беларускае інтэрнэт-медыя. Змяшчае спецыялізаваныя раздзелы: навіны, артыкулы, інтэрв’ю, меркаванні. Набрала папулярнасць пасля пратэстаў у Беларусі 2020—2021 гадоў. Сузаснавальнік і галоўны рэдактар — Фёдар Паўлючэнка.
| Reformation | |
|---|---|
 | |
 | |
| URL | reform.news |
| Камерцыйны | Так |
| Тып сайта | навіновы |
| Мова(-ы) | руская, беларуская |
| Размяшчэнне сервера | |
| Уладальнік | ТАА «РЕФОРМБАЙ» |
| Аўтар | Фёдар Паўлючэнка |
| Бягучы статус | працуе (заблакаваны) |
| Слоган | Ваш маяк у свеце змен |
Гісторыя
правіцьІдэя стварэння праекта «Рэфармацыя» (Rfrm.io) як пляцоўкі для абмеркавання рэформаў у Беларусі належыць Дар’і Мінскі. Сайт адкрыты ў 2016 годзе. У фармаце паўнавартаснага грамадска-палітычнага інфармацыйнага партала на дамене Reform.by дзейнічае з ліпеня 2018 года.
Рэдакцыя Reform.by стала адным з лаўрэатаў прэміі ў сферы свабоды СМІ Free Media Awards за 2023 год[1].
27 чэрвеня 2024 года галоўны рэдактар Reform.news Фёдар Паўлючэнка атрымаў прэмію імя Кшыштафа Міхальскага для беларускіх журналістаў у выгнанні ў намінацыі «Журналісцкае раследванне»[2].
Прэмія беларускай праваабарончай супольнасці 2024 года - «Журналіст года». «Журналістамі года» былі прызнаныя Дзіяна Пінчук і Фёдар Паўлючэнка.[3].
Цэнзура
правіць25 жніўня 2021 года паводле рашэння Міністэрства інфармацыі доступ да сайту заблакаваны ў Беларусі[4].
30 сакавіка 2022 года Раскамнагляд заблакіраваў для карыстальнікаў з Расіі асноўнае «люстэрка» праекта[5].
14 сакавіка 2024 года суд Ленінскага раёна Брэста дадаў сайт Reform.by у Рэспубліканскі спіс экстрэмісцкіх матэрыялаў[6]. 15 красавіка Аператыўна-аналітычны цэнтр адабраў дамен Reform.by[7][8]. Сайт перанесены на дамен Reform.news[8].
Крыніцы
правіць- ↑ The online media project Reform.by has been chosen to receive a Free Media Award for its reporting on Belarus under particularly difficult conditions (англ.). Fritt Ord. Праверана 4 лютага 2024.
- ↑ Аб’явілі першых лаўрэатаў прэміі для беларускіх журналістаў у выгнанні (бел. (тар.)). Беларуская асацыяцыя журналістаў (27 чэрвеня 2024). Архівавана з першакрыніцы 27 чэрвеня 2024. Праверана 28 чэрвеня 2024.
- ↑ «На месцы Ігара Ільяша мог быць кожны з нас». У Вільні назвалі пераможцаў праваабарончай прэміі. Беларуская асацыяцыя журналістаў. Праверана 12 студзеня 2025.
- ↑ Сайт Reform.by у Беларусі афіцыйна заблякавалі (бел. (тар.)). Беларуская служба Радыё «Свабода» (25 жніўня 2021). Архівавана з першакрыніцы 26 жніўня 2021. Праверана 26 жніўня 2021.
- ↑ У Расіі заблакавалі асноўнае «люстэрка» беларускага сайта reform.by. Наша Ніва. Праверана 4 лютага 2024.
- ↑ Выданьне Reform.by трапіла ў сьпіс «экстрэмісцкіх матэрыялаў» (бел. (тар.)). Беларуская служба Радыё «Свабода» (21 сакавіка 2024).
- ↑ Забралі дамен у выдання «Медыязона» . Наша Ніва (15 красавіка 2024). Праверана 15 красавіка 2024.
- ↑ а б У Reform.by забіраюць дамен . Наша Ніва (15 красавіка 2024). Праверана 15 красавіка 2024.
Спасылкі
правіць- reform.news — афіцыйны сайт
- Люстэрка