Rust
Rust («раст»; з англ. — «іржа») — мультыпарадыгменная кампіляваная мова праграмавання агульнага прызначэння, якая забяспечвае прадукцыйнасць, паралелізм і бяспеку тыпаў. Rust можа спаборнічаць па хуткасці і магчымасцях з C/C++[1], аднак дае вялікую бяспеку пры працы з памяццю. Кіраванне памяццю ажыццяўляецца без выкарыстання зборшчыка смецця або падліку спасылак, прысутных у іншых мовах; Rust адсочвае час жыцця ўсіх спасылак у праграме падчас кампіляцыі. Rust выкарыстоўваецца для сістэмнага праграмавання, у прыватнасці, разглядаецца як перспектыўная мова для распрацоўкі ядраў аперацыйных сістэм[2]. Таксама прапануе функцыі высокага ўзроўню, напрыклад, некаторыя канструкцыі функцыянальнага і аб’ектна-арыентаванага праграмавання.
 | |
| Семантыка | мультыпарадыгменная |
|---|---|
| З'явілася ў | 2006 |
| Аўтар(ы) | Грэйдан Хоар |
| Пашырэнне файлаў | .rs, .rlib |
| Тыпізацыя даных | афінная, выведзеная, намінальная, статычная, строгая |
| Зведала ўплыў | C++, Erlang, Haskell, Ruby |
| Паўплывала на | Idris, Swift, Zig |
| Сайт | rust-lang.org |
Распрацоўшчык праграмнага забеспячэння Грэйдан Хоар пачаў ствараць Rust як уласны праект падчас працы ў Mozilla Research у 2006 годзе. Mozilla пачала афіцыйна спансаваць праект у 2009 годзе. Першая стабільная версія (1.0) выйшла 15 мая 2015 года, пасля чаго новыя версіі выходзяць раз на 6 тыдняў.
У лютым 2021 года пяць кампаній-заснавальнікаў — AWS, Huawei, Google, Microsoft і Mozilla — абвясцілі аб стварэнні некамерцыйнага фонда Rust Foundation, які атрымаў усе правы на Rust. У красавіку 2021 года Google абвясціў, што будзе падтрымліваць Rust у рамках праекта Android Open Source Project ў якасці альтэрнатывы C/C++.
Сем гадоў запар з 2016 па 2022 год Rust займае першае месца ў спісе самых любімых моў праграмавання («Most loved programming languages») па версіі штогадовага апытання распрацоўшчыкаў Stack Overflow Developer Survey.[3]
ПрыкладПравіць
Прыклад напісання праграмы Hello world:
fn main() {
println!("Hello, World!");
}
Гл. таксамаПравіць
Зноскі
- ↑ Walton, Patrick. C++ Design Goals in the Context of Rust (англ.) (5 снежня 2010).
- ↑ Amit Levy, Bradford Campbell, Branden Ghena, Pat Pannuto, Prabal Dutta, and Philip Levis The Case for Writing a Kernel in Rust(англ.) // Proceedings of the 8th Asia-Pacific Workshop on Systems : зборнік. — ACM, 2017. — С. 1—7. — ISBN 978-1-4503-5197-3. — DOI:10.1145/3124680.3124717
- ↑ Stack Overflow Developer Survey 2022 (англ.). — «Rust is on its seventh year as the most loved language with 87% of developers saying they want to continue using it.» Праверана 8 снежня 2022.
СпасылкіПравіць
- Афіцыйны сайт (англ.)