Барау (востраў)
Ба́рау (англ.: Barrow) — востраў у Індыйскім акіяне. Уваходзіць у склад аўстралійскага штата Заходняя Аўстралія. У нашы дні з’яўляецца нацыянальным паркам. Плошча — 202 км².
| Барау | |
|---|---|
| англ. Barrow | |
 Выгляд з космасу | |
| Характарыстыкі | |
| Плошча | 202 км² |
| Найвышэйшы пункт | 76 м |
| Размяшчэнне | |
| 20°47′07,80″ пд. ш. 115°22′57,90″ у. д.HGЯO | |
| Акваторыя | Індыйскі акіян |
| Краіна | |
| Рэгіён | Заходняя Аўстралія |
 | |
 Медыяфайлы на Вікісховішчы | |
Геаграфія правіць
Востраў Барау месціцца за 60 км ад паўночнага ўзбярэжжа Заходняй Аўстраліі. Быў утвораны каля 6 800 гадоў таму ў выніку падвышэння ўзроўню акіяна. Суша ўяўляе сабою невысокія вапняковыя ўзвышшы хваляпадобнай формы ў атачэнні шырокіх прыбярэжных раўнін, пакрытых лугамі. Найвышэйшы пункт дасягае 76 м. На востраве сустракаюцца саланчакі, пячоры, пясчаныя выдмы, уздоўж берагоў — каралавыя рыфы.
У 1964 годзе на поўдні вострава былі адкрыты радовішчы нафты. Яе здабыча з’яўляецца важнай крыніцай даходаў Заходняй Аўстраліі. З 2009 года вядзецца здабыча газа.
Клімат сухі трапічны. Сярэднегадавая колькасць ападкаў складае ўсяго 308,7 мм. Найбольш засушлівыя месяцы — жнівень і верасень. Улетку на ўзбярэжжа абрушваюцца цыклоны. У 1996 годзе зарэгістраваны выпадак, калі парывы ветру дасягалі 408 км у гадзіну.
Прырода правіць
Востраў Барау з’яўляецца важным месцам гнездавання марскіх птушак і размножвання марскіх чарапах. Тут сустракаюцца рэдкія віды яшчарак і сумчатых сысуноў.
Гісторыя правіць
Продкі аўстралійскіх абарыгенаў прыйшлі на землі вострава Барау каля 10 тысяч гадоў таму. Аднак пасля падвышэння ўзроўню акіяна 6 800 гадоў таму востраў быў аддзелены ад мацерыка шырокай марской прасторай. Карэннае насельніцтва пакінула яго. Да з’яўлення еўрапейцаў ён быў бязлюдным.
Відавочна, востраў быў адкрыты ў 1628 г. маракамі Галандскай Ост-Індскай кампаніі. У 1818 г. ён быў нанесены на карты і названы ў гонар Джона Барау, тагачаснага сакратара брытанскага адміралцейства. На ім спыняліся кітабоі, лаўцы жэмчугу і марскіх чарапах. У 1846 г. з'явілася першае навуковае апісанне флоры і фаўны. У далейшым прыродай ізаляванага вострава цікавіліся многія даследчыкі Заходняй Аўстраліі. У 1908 г. Барау быў абвешчаны запаведнікам, у 1910 г. — нацыянальным паркам.
У 1947 г. пачалося геалагічнае даследаванне Барау і прылеглых марскіх тэрыторый. У выніку ў 1964 г. былі адкрыты і пачалі эксплуатавацца радовішчы нафты. З 2009 года вядзецца здабыча газа. Кампаніі, якія здабываюць карысныя выкапні, удзельнічаюць у ахове мясцовага прыроднага асяроддзя. На востраве пабудаваны порт для транспартных суднаў і аэрапорт.