Ёран Тэрборн

Ёран Тэрборн (нар. 23 верасня 1941, Кальмар, Швецыя) — шведскі сацыёлаг, член Акадэміі грамадскіх навук, прафесар сацыялогіі Кембрыджскага ўніверсітэта, адзін з найцытаванейшых сучасных сацыёлагаў-марксістаў.

Ёран Тэрборн
Род дзейнасці	сацыёлаг, выкладчык універсітэта
Дата нараджэння	23 верасня 1941(1941-09-23) (82 гады)
Месца нараджэння	Кальмар, камуна Кальмар, лен Кальмар, Швецыя
Грамадзянства	Швецыя
Месца працы	Лундскі ўніверсітэт Гётэбаргскі ўніверсітэт Упсальскі ўніверсітэт Універсітэт Неймегена Кембрыджскі ўніверсітэт
Альма-матар	Лундскі ўніверсітэт
Узнагароды і прэміі	Прэмія Леніна[d] (2019)
Медыяфайлы на Вікісховішчы

Біяграфія

Скончыў Лундскі ўніверсітэт, дзе ў 1974 годзе атрымаў ступень доктара філасофіі.

Працаваў ва ўніверсітэтах Еўропы, Азіі, Афрыкі, Аўстраліі, Паўночнай і Паўднёвай Амерыкі. З 2006 года ўзначальваў кафедру сацыялогіі ў Кембрыджы, у 2010 годзе выйшаў на пенсію, але яшчэ выкладае модуль MPhil.

Жыве ў Юнгбіхольме на паўднёвым усходзе Швецыі.

Дзейнасць

Прыхільнік агульнай свабоды і роўнасці, антыімперыялістычных і эгалітарных грамадскіх рухаў. Працуе ў асноўным над глабальнымі даследаваннямі — сямейна-полавыя і гендэрныя адносіны, няроўнасць, шляхі да сучаснасці, гарады і ўлада, фарміраванне сярэдняга класа.

У кнізе The Ideology of Power and the Power of Ideology (1980, Ідэалогія ўлады і ўлада ідэалогіі) Тэрборн адыходзіць ад прац Луі Альцюсера пра фарміраванне ідэалогіі, звяртаецца да ідэалагічных змен, ідэалагічнай будовы класаў і ідэалагічнага панавання. Распрацоўвае матэрыяльную матрыцу ідэалогій і агульную схему фарміравання ідэалогій з постмарксісцкага пункту гледжання.

У кнізе From Marxism to Post Marxism? (2008, Ад марксізма да постмарксізма?) спрабуе сцісла выкласці ўсёабдымную гісторыю развіцця марксісцкай тэорыі і кірункі марксісцкай думкі ў XXI ст.

Шмат публікакуецца ў такіх выданнях, як New Left Review, адметны артыкуламі на тэмы ў агульных палітычных і сацыялагічных межах постмарксізма — перасячэнне класавай структуры грамадства і функцыі дзяржаўнага апарату, фарміраванне ідэалогіі ўнутры суб’ектаў і будучыня марксісцкай традыцыі.

Узнагароджаны Прэміяй Леніна ў 2019 годзе.

Працы апублікаваны мінімум на 24 мовах.

Беларускія пераклады

Паасобныя працы на беларускую пераклаў Сяргей Шупа.

• Еўропа сёння і заўтра: Еўрап. мадэрнасць і далейшасць: траекторыі еўрап. грамадстваў, 1945—2000 / Пер. с англ. С.Шупы. — Мн. : Цэнтр еўрап. досьледаў і культур. ініцыятываў «ЕўроФорум», Бел. фонд Сораса, 1997. — 567 с. — (Серыя «Адкрытае грамадства»)

Бібліяграфія

• Therborn, Göran (1976). Science,Class & Society. Verso. ISBN 0-86091-724-X.
• Therborn, Göran. "The rule of capital and the rise of democracy". New Left Review. {{cite journal}}: Шаблон цытавання journal патрабуе |journal= (даведка)
• Therborn, Göran (1978). What Does the Ruling Class do When it Rules?: State Apparatuses and State Power under Feudalism, Capitalism and Socialism. (Reprinted as Radical Thinkers Series, Verso (2008)
• Therborn, Göran (1980). The Ideology of Power and the Power of Ideology.(Reprinted as Verso Classic (1999)
• Therborn, Göran (1986). Why Some Peoples are More Unemployed than Others.
• Therborn, Göran (1995). European Modernity and Beyond: The Trajectory of European Societies, 1945-2000.
• Therborn, Göran (2004). Between Sex and Power: Family in the World, 1900-2000.
• Therborn, Göran (2008). From Marxism to Post-Marxism?.
• Therborn, Göran (2010). Handbook of European Societies: Social Transformations in the 21st Century. ISBN 9781441981288. Details.
• Therborn, Göran (2011). The World: A Beginner's Guide.
• Therborn, Göran (2013). The Killing Fields of Inequality.
• Therborn, Göran (2017). Cities of power. 

Літаратура

• Интервью с профессором Йораном Терборном Архівавана 13 лістапада 2021. // Журнал социологии и социальной антропологии. 2013. № 1.

Спасылкі

• Кафедра сацыялогіі Кембрыджскага ўніверсітэта: Акадэмічны профіль Ёрана Тэрборна