Ігар Мікалаевіч Молчан

Ігар Мікалаевіч Молчан (нар. 22 кастрычніка 1962, Мінск) — беларускі балетнік.

Ігар Мікалаевіч Молчан
Дата нараджэння	22 кастрычніка 1962(1962-10-22) (61 год)
Месца нараджэння	Мінск, БССР, СССР
Адукацыя	Ленінградскае харэаграфічнае вучылішча імя А. Я. Ваганавай (1978)
Прафесія	балерына
Тэатр	Нацыянальны акадэмічны Вялікі тэатр оперы і балета Рэспублікі Беларусь

Біяграфія

Скончыў у 1978 годзе Ленінградскае харэаграфічнае вучылішча імя А. Ваганавай. У 1978—1984 і 1990—1991 гадах саліст Дзяржаўнага тэатра оперы і балета Беларусі.

Творчасць

Танцоўшчык героіка-рамантычнага плана, найбольш схільны да чыстай класікі. У ролях, выкананых на сцэне тэатра, выявіў віртуознае валоданне тэхнікай танца (асабліва ўражвалі вярчэнні, высокі доўгі скачок). Сярод іх: Прынц («Шчаўкунок» П. Чайкоўскага), Альберт («Жызэль» А. Адана), Базіль, Салор («Дон Кіхот», класічны акт «Цені» з балета «Баядэрка» Л. Мінкуса), Кален («Ліза і Кален» Л. Герольда), Тарэра («Кармэн-сюіта» Ж. Бізэ — Р. Шчадрына), Пётр («Прывал кавалерыі» І. Армсгеймера), Іван («Альпійская балада» Я. Глебава).

Узнагароды

Лаўрэат 9-га Міжнароднага конкурсу артыстаў балета ў Варне (Балгарыя, 1978, сярэбраны медаль).

Літаратура

• Л. І. Вішнеўская. Молчан Ігар Мікалаевіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.