Ігар Паўлавіч Клімаў

Ігар Паўлавіч Клімаў  (нар. 6 студзеня 1968, Светлагорск, Гомельская вобласць) — беларускі мовазнавец. Кандыдат філалагічных навук (1997), дацэнт.

Ігар Паўлавіч Клімаў
Дата нараджэння	6 студзеня 1968(1968-01-06) (56 гадоў)
Месца нараджэння	Светлагорск, Светлагорскі раён, Гомельская вобласць, БССР, СССР
Грамадзянства	Беларусь
Род дзейнасці	мовазнавец, паліглот
Месца працы	Мінскі дзяржаўны лінгвістычны ўніверсітэт Беларускі дзяржаўны ўніверсітэт культуры і мастацтваў Гуманітарна-эканамічны недзяржаўны інстытут
Навуковая ступень	кандыдат філалагічных навук
Навуковае званне	дацэнт
Альма-матар	філалагічны факультэт БДУ (1992)
Член у	Міжнародная асацыяцыя беларусістаў Міжнародны камітэт славістаў[d]

Біяграфія

Нарадзіўся 6 студзеня 1968 года ў Светлагорску.

Скончыў у 1992 годзе філалагічны факультэт БДУ, у 1995 годзе — аспірантуру пры кафедры тэарэтычнага і славянскага мовазнаўства БДУ. Абараніў кандыдацкую дысертацыю па тэме «Мова перакладу Евангелля В. Цяпінскім (графіка, арфаграфія, фанетыка)» (1997).

У 1997—1998 гадах працаваў у Гуманітарна-эканамічным недзяржаўным інстытуце, у 1999—2000 гадах у Мінскім дзяржаўным лінгвістычным універсітэце. З 2000 года дацэнт кафедры беларускай філалогіі і сусветнай літаратуры, дацэнт кафедры беларускай і замежнай філалогіі Беларускага дзяржаўнага ўніверсітэта культуры і мастацтваў.

Сябра Міжнароднай камісіі па біблейных перакладах пры Міжнародным камітэце славістаў. Сябра Міжнароднай асацыяцыі беларусістаў.

Навуковая дзейнасць

Напрамкі даследаванняў: гісторыя беларускай літаратурнай мовы і іншых славянскіх моў; гісторыя лінгвістыкі тэксту; праблемы біблеістыкі і медыевістыкі, сацыялінгвістыкі; сучасныя працэсы ў беларускай мове; саветалогія.

Спецыяліст па помніках старажытнага беларускага пісьменства. Паліглот (валодае ўсімі славянскімі мовамі, англійскай і нямецкай мовамі, ведае класічныя мовы).

Мае каля 30 публікацый у беларускіх і замежных навуковых выданнях.

Бібліяграфія

• Евангелле ў перакладзе Васіля Цяпінскага. Мінск, 2012.
• Старажытная беларуская літаратура XI—XVI стст.: Эпохі і постаці: вучэбны дапаможнік. Мінск, 2010.
• Рэфармацыя ў гісторыі літаратурных моў славян: уклад польска-беларускага і славенска-харвацкага пратэстантызму 16 ст. Мінск, 2004

Літаратура

• КЛІМАЎ Ігар Паўлавіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.

Спасылкі

• Аўтары PAL // КРАЙ — KRAJ 1—2 / 2002