Ісак Самуйлавіч Рубінштэйн

Ісак Самуйлавіч Рубінштэйн (руск.: Рубинштейн Исаак Самуйлович; 12 снежня 1901, Мінск — 1970, Мінск) — беларускі вучоны ў галіне мікрабіялогіі. Кандыдат медыцынскіх навук (1941), дацэнт (1947).

Ісак Самуйлавіч Рубінштэйн
Дата нараджэння	12 снежня 1901(1901-12-12)
Месца нараджэння	Мінск, Мінскі павет, Мінская губерня, Расійская імперыя
Дата смерці	1970
Месца смерці	Мінск, БССР, СССР
Род дзейнасці	мікрабіёлаг
Месца працы	ІПКіПКАЗ
Альма-матар	медыцынскі факультэт БДУ

Біяграфія

Скончыў гандлёвую школу (1916), рэальнае вучылішча ў Мінску (1919); з адзнакай скончыў фельчарскую школу (1922). Скончыў медыцынскі факультэт БДУ (1931). Дырэктар Беларускага дзяржаўнага мікрабіялагічнага інстытута (1931—1941). У час Вялікай Айчыннай вайны галоўны эпідэміёлаг Арміі (1941—1946). Дырэктар Беларускага інстытута мікрабіялогіі і эпідэміялогіі (1946—1950), адначасова выконваў абавязкі загадчыка кафедры мікрабіялогіі Мінскага медыцынскага інстытута (1946—1948). Загадчык цыклам эпідэміялогіі Беларускага інстытута ўдасканалення ўрачоў (1948—1951); загадчык кафедры мікрабіялогіі і эпідэміялогіі Беларускага інстытута ўдасканалення ўрачоў (1951—1970).

Член праўленняў Усесаюзнага і Беларускага навуковых таварыстваў мікрабіёлагаў, эпідэміёлагаў і інфекцыяністаў, Мінскага таварыства мікрабіёлагаў, эпідэміёлагаў і інфекцыяністаў (1963); дэпутат раённага Савета Мінска (1940).

Навуковыя працы

• «К вопросу о роли неспецифических раздражителей в сывороточном производстве», с сааўт., 1932
• «К вопросу об экспериментальной склероме», с сааўт., 1940
• «Очистка и концентрация дифтерийных токсинов и анатоксинов», 1941;
• «Динамика перехода в анатоксин очищенного и концентрированного дифтерийного токсина», 1942
• «Практического пособия по медицинской микрооиологии и санитарно-бактериолгическим методам исследований», 1957
• «Сибирская язва и борьба с ней», 1959
• «Аллергия и иммунитет при туберкулезе», 1960
• «Эффективность иммунизации против туберкулезной инфекции при различных методах аппликаций вакцины БЦЖ», 1963

Спасылкі

• Рубинштейн Исаак Самуйлович (21.12.1901(03.01.1902)—1970) Архівавана 11 сакавіка 2016. (руск.) // Сайт БДМУ