Магілёўская абарона
Магілёўская абарона — баявыя дзеянні савецкіх войскаў у ліпені 1941 года ў раёне Магілёва. З'яўляецца часткай Смаленскай бітвы.
Папярэднія падзеі правіць
Пасля захопу Мінска і разгрому асноўных сіл савецкага Заходняга фронта ў Беластоцкім і Мінскім «катлах» нямецкія матарызаваныя карпусы пачалі прасоўванне да лініі рэк Заходняя Дзвіна і Дняпро з тым, каб адтуль пачаць новы наступ на Маскоўскім кірунку. Пераадолеўшы слабую абарону савецкіх 20-га механізаванага корпуса і 4-га паветрана-дэсантнага корпуса на рэках Бярэзіна і Друць, нямецкі 46-ы матарызаваны корпус 2-й танкавай групы генерал-палкоўніка Гудэрыяна выйшаў на подступы да Магілёва. Да Дняпра падцягнуліся і астатнія матарызаваныя карпусы 2-й танкавай групы.
5 ліпеня штаб 61-га стралковага корпуса генерал-маёра Ф. А. Бакуніна, які прыбыў з-пад Оршы, прыняў камандаванне над трыма стралковымі дывізіямі ў раёне Магілёва (53-й палкоўніка І. Я. Барценева, 110-й палкоўніка В. А. Хлябцова і 172-й генерал-маёра М. Т. Раманава). З гэтага ж дня перадавыя атрады дадзеных савецкіх дывізій прынялі ўдзел у баях заходней Магілёва.
7 ліпеня 61-ы корпус быў падпарадкаваны штабу 13-й арміі, які адступаў ад самога Маладзечна. Як раз у гэты ж дзень камандуючы арміяй генерал-лейтэнант П. М. Філатаў быў цяжка паранены (памёр у шпіталі ў Маскве 14 ліпеня 1941 года). Новым камандуючым быў прызначаны генерал-лейтэнант Ф. Н. Рэмезаў.
Памяць правіць
У памяць аб баях 172-й стралковай дывізіі 9 мая 1995 года быў адкрыты мемарыяльны комплекс «Буйніцкае поле».
Літаратура правіць
- Гальдер Ф. Военный дневник. Ежедневные записки начальника генерального штаба сухопутных войск. Том. III. — М.: Воениздат, 1971.
- Гудериан Г. Воспоминания солдата. — M.: Смоленск: Русич, 1999
- Еременко А. И. В начале войны. — М.: Наука, 1965
- Иванов С. П. Штаб армейский, штаб фронтовой. — М.: Воениздат, 1990
- Сборник боевых документов Великой Отечественной войны. Выпуск 37-й. — М.: Воениздат, 1959.