Аблай Мбенг

Аблай Мбенг (нар. 19 мая 1992, Ціес, Сенегал) — сенегальскі футбаліст, нападнік саудаўскага клуба «Аль-Арабі» з Унайзы.

Аблай Мбенг
Агульная інфармацыя
Нарадзіўся	19 мая 1992(1992-05-19) (31 год) Ціес[d], вобласць Ціес[d], Сенегал
Грамадзянства	Сенегал
Рост	187 см
Вага	78 кг
Пазіцыя	нападнік
Інфармацыя пра клуб
Клуб	Аль-Арабі
Клубная кар’ера
0000—2013 Дыяраф 2013—2015 Сапен 14 (15) 2015—2021 Ахмат (Грозны) 106 (22) 2021 →  Дынама (Мінск) 15 (10) 2022 Аль-Арабі (Кувейт) 6 (5) 2022— Аль-Арабі (Унайза)
Медыяфайлы на Вікісховішчы

Клубная кар’ера

Першы клуб у кар’еры афрыканскага форварда — «Дыяраф» з сенегальскай сталіцы. У 2013 годзе пераехаў у Габон, дзе выступаў у складзе «Сапена». У сезоне 2013/2014 нападнік стаў найлепшым бамбардзірам чэмпіянату, забіўшы 15 галоў.

У лютым 2015 года Мбенг стаў футбалістам расійскага клуба «Церак» (пазней перайменаваны ў «Ахмат»). Добра пачаўшы выступы ў новым клубе (за 5 першых матчаў забіў 4 галы), пасля выступаў нестабільна, чаргуючы паспяховыя адрэзкі з безвыніковымі. У маі 2019 года падоўжыў кантракт з «Ахматам» на тры гады, аднак у жніўні 2020 года самавольна з’ехаў у Афрыку і не выхадзіў на сувязь з клубам.

У сакавіку 2021 года, дасягнуўшы паразумення з чачэнскім клубам, далучыўся на правах арэнды да мінскага «Дынама». Хутка замацаваўся ў стартавым складзе і стаў асноўным нападнікам мінчан, з 10 галамі стаў найлепшым бамбардзірам каманды ў сезоне, у тым ліку адзначыўся двума хет-трыкамі. У жніўні 2021 года пакінуў стан клуба, а ў кастрычніку 2021 года падпісаў пагадненне з ізраільскім клубам «Макабі» з Петах-Тыквы. Хутка «Дынама» выступіла з афіцыйнай заявай, дзе паведаміла аб тым, што футбаліст у аднабаковым парадку разарваў працоўныя адносіны з грозненскім і мінскім клубамі, што супярэчыць дакументам ФІФА. У выніку, праз некалькі дзён «Макабі» спыніў супрацоўніцтва з футбалістам.

У красавіку 2022 года далучыўся да кувейцкага клуба «Аль-Арабі», а ў чэрвені перабраўся ў «Аль-Арабі» з Саудаўскай Аравіі