Абідзіна

Абі́дзіна (трансліт.: Abidzina, руск.: Обидино) — вёска ў Гарадоцкім раёне Віцебскай вобласці. Уваходзіць у склад Стадолішчанскага сельсавета.

Вёска Абідзіна Краіна Беларусь Вобласць Віцебская Раён Гарадоцкі Сельсавет Стадолішчанскі Каардынаты 55°37′44″ пн. ш. 30°05′52″ у. д. Плошча 0,045865 км² Насельніцтва ▼0 чал. (2019) Часавы пояс UTC+3 Тэлефонны код +375 2139 Паштовы індэкс 211552 Аўтамабільны код 2 СААТА 2218804141 Абідзіна на карце Беларусі ±

Гісторыя

У канцы XVIII стагоддзя вёска ў Езярышчанскім старостве Гарадоцкага павета Полацкай губерні. У сярэдзіне XIX ст. ў складзе дзяржаўнага маёнтка Езярышча. У канцы XIX — пачатку XX ст. вёска ў Бяскатаўскай воласці Гарадоцкага павета Віцебскай губерні. У 1920 годзе ў вёсцы дзейнічалі школа і пункт ліквідацыі непісьменнасці сярод дарослых. З 15 лютага 1923 г. Абідзіна ў складзе Вышадскай воласці Віцебскага павета, з 20 жніўня 1924 г. у складзе Бяскатаўскага сельсавета Гарадоцкага раёна Віцебскай акругі (Віцебскай вобласці з 20.2.1938). У 1933 годзе ў вёсцы дзейнічаў калгас «Чырвонае Абідзіна», кузня, ваўначоска. У лютым 1943 г. вёска была спалена нямецка-фашысцімі акупантамі, было знішчана 56 двароў, загінулі 25 жыхароў. Пасля Вялікай Айчыннай вайны вёска была адбудавана. Вёска ўваходзіла ў склад саўгаса «Смалоўка».

Насельніцтва

• 1785 — 4 двары, 45 рэвізскіх душ;
• 1797 — 73 рэвізскія душы;
• 1905 — 8 двароў, 56 жыхароў;
• 1926 — 10 двароў, 47 жыхароў;
• 1940 — 56 двароў, 120 жыхароў;
• 1959 — 71 жыхар;
• 1970 — 54 жыхары;
• на 1.1.2002 — 3 двары, 4 жыхары.

Літаратура

• Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 320, 784. — 894 с. — 2 500 экз. — ISBN 985-01-0546-1.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх