Неўры: Розніца паміж версіямі

 

'''Неўры''' ўзгадваюцца ў 4-й кнізе «Гісторыі» [[Герадот]]а, як народ, што жыве «вышэй за [[скіфы|скіфаў]]», і мае «скіфскія звычаі»; неўры, быццам, змушаныя былі «за адно пакаленне да пахода [[Дарый|Дарыя]]» пакінуць свае землі з-за «мноства змеў, якіх нарадзіла іх краіна», і пасяліцца «разам з [[будзіны|будзінамі]]». Герадотавы неўры былі «можна думаць, чараўнікамі», і, паводле словаў скіфаў і элінаў, што жылі ў скіфаў, па некалькі разоў за год прыймалі [[ваўкалак|воўчае аблічча]]. Калі скіфы звярнуліся да неўраў па дапамогу супраць персідскага цара Дарыя, то тыя адмовіліся, тлумачачы адмову тым, што не маюць спрэчак з персамі, і не дапамогуць скіфам, якія самі спрычынілі вайну.