Ціт: Розніца паміж версіямі

'''Ціт  — Ціт Флавій Веспасіян''' ([[39]]—[[81]]), [[імператар рымскі]] ([[79]]—[[81]]).

Яго ваенная кар'ера пачалася ў Германіі і Брытаніі, дзе ён вылучыўся, займаючы пасаду ваеннага трыбунала. Калі імператар Нерон накіраваў яго бацьку ва ўзбунтаваную Іўдзею, Ціт паехаў туды разам з бацькам, атрымаў у камандаванне легіён і дапамог свайму бацьку пракласці шлях да дзяржаўнай улады. У 69 стаў галоўнакамандуючым рымскага войска ў Палесціне ў час вайны з іудзеямі. У 70 Ціт захапіў Іерусалім і разбурыў яго, праявіўшы пры гэтым выключную жорсткасць. За час знаходжання ў Палесціне ажаніўся на прыгажуні [[Бераніка, царыца іўдзейская|Бераніцы]], дачцы [[Ірад Агрыпа|Ірада Агрыпы]], і сястры [[Ірад Агрыпа II|Ірада Агрыпы II]], іўдзейскіх цароў, але з-за палітычных меркаванняў расстаўся з ёю, калі заняў трон<ref>{{Крыніцы/Партрэты...}}</ref>. Вяртаннем Ціта ў Рым з пышным [[трыумф]]ам было адсвяткавана ўціхаміранне Іўдзеі. У 73 г. Ціт стаў сакіраўніком свайго бацькі і ад яго імя вёў барацьбу з арыстакратычнай сенатарскай апазіцыяй. Зай-маў пасаду прэфекта (начальніка) гвардыі. Бязлітаснае знішчэнне асоб, якія выклікалі ў яго падазрэнне, яшчэ пры жыцці бацькі рабілі яго імя ненавісным у Рыме. У мэтах прымірэння з падданымі Ціт, стаўшы імператарам, пачаў кіраваць імперыяй сумесна з сенатам, сурова караў даносчыкаў, схіляў да сябе народ раскошнымі пабудовамі і гульнямі.