Авад Мухамед Ахмед ібн Ауф
Авад Мухамед Ахмед ібн Ауф або Авад бэн Ауф (араб. أحمد عوض بن عوف; нар. 1954) — дзяржаўны, палітычны і ваенны дзеяч Судана[2][3]. Выконваў абавязкі прэзідэнта Судана 11—12 красавіка 2019 года.
| Авад Мухамед Ахмед ібн Ауф | |||||||
|---|---|---|---|---|---|---|---|
| араб. أحمد عوض بن عوف | |||||||
|
|||||||
| Папярэднік | Амар аль-Башыр | ||||||
| Пераемнік | Абдэль Фатах аль-Бурхан | ||||||
|
|||||||
| Папярэднік | Бакры Хасан Салех | ||||||
|
|||||||
| Папярэднік | Мустафа Асман Абейд Салім | ||||||
| Нараджэнне |
не раней за 1954 і не пазней за 1957 |
||||||
| Партыя | |||||||
| Дзейнасць | палітык, ваенны | ||||||
| Род войскаў | Узброеныя сілы Судана | ||||||
| Званне | генерал-лейтэнант | ||||||
Біяграфія правіць
Ауф займаў пасаду начальніка ваеннай разведкі, а таксама старшыні Аб’яднанага камітэта начальнікаў штабоў, перш чым быў вызвалены ад пасады ў чэрвені 2010 года ў рамках буйной ваеннай перастаноўкі[4].
Ауф быў у спісе грамадзян, на якіх у маі 2007 года былі накладзены санкцыі з боку ЗША. У Вашынгтоне былі незадаволены яго добрымі сувязямі з Іранам. Акрамя гэтага генерал падазраваўся ў тым, што ён аддаваў загады жорстка распраўляцца з мірным насельніцтвам падчас вайны ў Дарфуры[5]. Заяўляецца, што ібн Ауф мог каардынаваць авіябамбардзіроўкі мірных жыхароў, атакі на вёскі, перасяленні іх жыхароў і масавыя гвалтаванні[6].
Пасля 2010 года ён некаторы час займаў пасаду пасла Судана ў Амане.
23 лютага 2019 года Ауф быў першым віцэ-прэзідэнтам Судана, змяніўшы Бакры Хасана Салеха на гэтай пасадзе пасля роспуску ўрада прэзідэнтам Амарам аль-Башырам, які адбыўся ў выніку масавых пратэстаў[2].
11 красавіка 2019 года Авад бэн Ауф аб’явіў аб затрыманні Амара аль-Башыра і распусціў дзеючыя органы ўлады, а затым узначаліў новы Ваенны пераходны савет[7].
12 красавіка падаў у адстаўку дзеля захавання адзінства ўзброеных сілаў, назваўшы сваім пераемнікам генерала Абдэль Фатаха Бурхана[8]. Адстаўка адбылася на фоне масавых пратэстаў з патрабаваннем найхутчэйшых палітычных пераўтварэнняў[6].
Зноскі
- ↑ https://www.thenationalnews.com/world/africa/sudan-s-awad-ibn-auf-veteran-of-bashir-era-who-held-power-for-a-day-1.848213
- ↑ а б Sudan protest hub: Bashir swears in new prime minister
- ↑ [1] Архівавана 19 кастрычніка 2020.
- ↑ Sudan retires general sanctioned over Darfur
- ↑ nashaniva.by
- ↑ а б belsat.eu
- ↑ У Судане назвалі новага кіраўніка краіны
- ↑ Глава Военного совета Судана ушел в отставку