Катастрофа A330 над Атлантыкай
Катастрофа A330 над Атлантыкай — цяжкая авіяцыйная катастрофа, якая адбылася 1 чэрвеня 2009 года. Авіялайнер Airbus A330-203 авіякампаніі Air France, які выконваў рэйс AF447 па маршруце Рыа-дэ-Жанэйра — Парыж, зваліўся ў воды Атлантычнага акіяна. Загінулі ўсе 228 чалавек, што знаходзіліся на яго борце — 12 членаў экіпажа і 216 пасажыраў. Гэта найбуйнейшая катастрофа ў гісторыі авіякампаніі Air France.
| Рэйс 447 Air France | |
|---|---|
 | |
| Агульныя звесткі | |
| Дата | 1 чэрвеня 2009 |
| Час | 02:14 UTC |
| Характар | Падзенне з эшалона |
| Прычына | Памылка пілотаў |
| Месца |
 Атлантычны акіян, за 650 км ад Фернанду-ды-Наронья (Бразілія) |
| Каардынаты | 03°57′ пн. ш. 30°37′ з. д.HGЯO |
| Загінулыя | 228 (усе) |
| Паветранае судна | |
|
Самалёт за 2 гады да катастрофы |
|
| Мадэль | Airbus A330-203 |
| Авіякампанія |
 Air France |
| Пункт вылету |
 Галеан, Рыа-дэ-Жанэйра (Бразілія) |
| Пункт прызначэння |
Міжнародны аэрапорт імя Шарля дэ Голя, Парыж (Францыя) |
| Рэйс | AF447 |
| Бартавы нумар | F-GZCP |
| Дата выпуску | 25 лютага 2005 (першы палёт) |
| Пасажыры | 216 |
| Экіпаж | 12 |
| Выжылых | 0 |
Падзеі правіць
Рэйс AF447 выляцеў з Рыа-дэ-Жанэйра ў Парыж у 23:29 UTC. Праз 2,5 гадзіны пілоты паведамілі пра турбулентнасць, затым бартавы камп'ютар самалёта перадаў некалькі сэрвісных паведамленняў, пасля чаго сувязь з самалётам была страчана.
Прадстаўнікі Air France днём заявілі, што шанцаў знайсці самалёт цэлым практычна не засталося, да зыходу дня было абвешчана, што самалёт разбіўся. На борце лайнера знаходзілася 228 чалавек (у тым ліку 12 членаў экіпажа). Гэта найбуйнейшая авіякатастрофа ў гісторыі Air France і найбуйнейшая катастрофа пасажырскага самалёта з 2001 года да катастрофы Boeing 777 пад Данецкам (298 загінулых)[1].
У бразільскім штаце Рыа-дэ-Жанэйра 1 чэрвеня была абвешчаны трохдзённая жалоба[2]. 3 чэрвеня ў Францыі ў саборы Нотр-Дам-дэ-Пары прайшло жалобнае набажэнства, на якім прысутнічаў прэзідэнт Нікаля Сарказі[3].
Канчатковая справаздача расследавання прычын катастрофы была апублікавана на прэс-канферэнцыі 5 ліпеня 2012 года. У якасці прычын катастрофы ў ім называюцца абмярзанне трубак Піто, наступнае адключэнне аўтапілота і няўзгодненыя дзеянні экіпажа, якія прывялі да звальвання, вывесці самалёт з якога экіпажу не ўдалося.
Зноскі
- ↑ у катастрофе рэйса 587 у Нью-Ёрку 12 лістапада 2001 года загінула 265 чалавек
- ↑ В Рио объявили траур в связи с исчезновением A330 до его обнаружения // РИА Новости, 1.06.2009]
- ↑ Во Франции объявлен траур по пассажирам пропавшего лайнера Архівавана 25 снежня 2013. // FranceNews.ru, 4.06.2009
Спасылкі правіць
На Вікісховішчы ёсць медыяфайлы па тэме Катастрофа A330 над Атлантыкай- Апісанне катастрофы на Aviation Safety Network Архівавана 16 кастрычніка 2011. (англ.)
