Харытоны (Брэсцкі раён)

Харытоны
Краіна	Беларусь
Вобласць	Брэсцкая
Раён	Брэсцкі
Сельсавет	Чэрнінскі
Каардынаты	52°08′59″ пн. ш. 23°51′41″ у. д.HGЯO
Насельніцтва	75 чал. (1999);
Часавы пояс	UTC+3
Тэлефонны код	+375 162
Паштовыя індэксы	224704
Аўтамабільны код	1
СААТА	1212850081
	Харытоны на Вікісховішчы

Харыто́ны^[1] (трансліт.: Charytony, руск.: Харитоны) — вёска ў Брэсцкім раёне Брэсцкай вобласці. Уваходзіць у склад Чэрнінскага сельсавета. Размешчаны за 13 км на паўночны ўсход ад Брэста.

Гісторыя правіць

За 0,4 км на паўночны ўсход ад вёскі выяўлены курганны могільнік (мясцовая назва Шведскія магілы).

Вядома з XVI стагоддзя як сяло Берасцейскага павета Берасцейскага ваяводства Вялікага Княства Літоўскага. У 1582 годзе належала пану Харытонаўскаму, тады замест старой пабудавана новая драўляная царква.

У XIX стагоддзі вёска, дзяржаўнае ўладанне Збіражскай воласці Кобрынскага павета Гродзенскай губерні. У 1890 — вёска, цэнтр сельскага таварыства, куды таксама ўваходзілі вёскі Гутавічы і Валоскі, таварыству агулам належала 92 дзесяціны зямлі. Дзейнічала школа граматы. Вёска належала да Збіражскага праваслаўнага прыхода Свята-Параскева-Пятніцкай царквы.

Паводле Рыжскага мірнага дагавора 1921 года ў складзе Польскай Рэспублікі, у Збіражскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну гітлераўцы знішчылі 6 двароў^[2], загубілі 4 жыхароў.

Станам на 2019 год у складзе камунальнага ўнітарнага сельскагаспадарчага прадпрыемства «Маладая гвардыя» (цэнтр — в. Чэрні).

Насельніцтва правіць

1858 год — 47 «душ»
1905 год — 96 жыхароў
1921 год — 13 двароў, 57 жыхароў
1940 год — 21 двор, 120 жыхароў
1959 год — 77 жыхароў
1970 год — 42 жыхары
1997 год — 13 гаспадарак, 27 жыхароў
2005 год — 36 гаспадарак, 82 жыхары

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ НАРБ. Ф.1440, Воп.3, Спр. 745.

Літаратура правіць

Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі правіць

На Вікісховішчы ёсць медыяфайлы па тэме Харытоны (Брэсцкі раён)

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[2] НАРБ. Ф.1440, Воп.3, Спр. 745.

[1]

[2]