Алег Валянцінавіч Ананьеў
Алег Валянцінавіч Ананьеў (нар. 12 верасня 1955, р.п. Мардова, Тамбоўская вобласць, РСФСР) — беларускі паэт, публіцыст, мастацтвазнавец[1].
| Алег Валянцінавіч Ананьеў | |
|---|---|
| руск.: Олег Валентинович Ананьев | |
| Асабістыя звесткі | |
| Дата нараджэння | 12 верасня 1955 (68 гадоў) |
| Месца нараджэння | |
| Грамадзянства | |
| Альма-матар | |
| Месца працы | |
| Прафесійная дзейнасць | |
| Род дзейнасці | паэт, публіцыст, мастацтвазнавец |
| Мова твораў | руская |
| Грамадская дзейнасць | |
| Член у | |
Біяграфія правіць
Скончыў філалагічны факультэт ГДУ імя Ф. Скарыны[1].
Працаваў мастаком-афарміцелем у ВА «Гомсельмаш», рэферэнтам у Гомельскай абласной арганізацыі таварыства «Веды», дырэктарам Гомельскай галерэі мастацтваў Беларускага саюза мастакоў, настаўнікам выяўленчага мастацтва ў САШ № 61 г. Гомеля. Цяпер намеснік дырэктара па працы з грамадскасцю Гомельскай абласной бібліятэкі[1].
Член Гомельскага абласнога аддзялення праўладнага Саюза пісьменнікаў Беларусі[2] з 2005 года. Член Саюза беларускіх мастакоў[1] з 2003 года, член Беларускага саюза літаратурна-мастацкіх крытыкаў з 1999 года.
Творчасць правіць
Піша на рускай мове. Аўтар шматлікіх аналітычных публікацый па праблемах сучаснай культуры, пра творчасць паэтаў, пісьменнікаў і мастакоў Гомельшчыны. Аўтар паэтычных зборнікаў «Няспраўджаныя сны» (1998), «Спавядальны кругагляд» (2007), удзельнік шматлікіх калектыўных выданняў («Анталогія сучаснай рускай паэзіі Беларусі» (Мінск, 2003); «І я жывое слова запішу…» (Гомель, 2003); «Форум» (Масква, 2006); «Славянскія званы» (Курск, 2006, 2007, 2008, 2009); «Міжрэчча» (Курск, 2005, 2006, 2007, 2008); «Святло шчымлiвай памяцi» (Гомель, 2006) і інш.)[1].
Аўтарскі зборнік «Спавядальны кругагляд» і калектыўны «Святло шчымлiвай памяцi» ілюстраваны фотаработамі Алега Ананьева. У 1999—2010 г.г. у Мінску, Гомелі, Мазыры адбыліся персанальныя фотавыставы Алега Ананьева: «Я бачу цішыню», «У стыхіі сонечнага фота», «Жаночыя лёсы», «Шматколерная Белая Русь»[1].
Артыкулы Алега Ананьева пра гомельскіх мастакоў і паэтах рэгулярна публікуюцца на старонках газет «Культура», «ЛіМ», іншых рэспубліканскіх, абласных перыядычных выданняў[1].
Сааўтар творчага праекта «Лікі мацярынства», пабудаванага на сінтэзе трох відаў мастацтваў: скульптура Валерыя Казлоўскага (член Беларускага саюза мастакоў, настаўнік САШ № 19 г. Гомеля) і асацыятыўная паэзія, мастацкая фатаграфія Алега Ананьева (2007 год, галерэя Г. Х. Вашчанкі)[1].
Узнагароды правіць
Лаўрэат Першага і Другога літаратурнага конкурсу імя Кірыла Тураўскага (2007, 2008). Дыпламант Міжнароднага конкурсу мастацкай фатаграфіі «Палессе — 2001»[1].
Зноскі
- ↑ а б в г д е ё ж з і Проект "Музей автографа" » Сеть публичных библиотек города Гомеля. gorbibl.gomel.by. Праверана 13 студзеня 2024.
- ↑ Олейник Александр Людвигович — Гомельскае абласное аддзяленне грамадскага аб'яднання "Саюз пісьменнікаў Беларусі" (руск.). pismennik.by. Праверана 12 студзеня 2024.