Алена Юр’еўна Пятросава
Алена Юр’еўна Пятросава (7 лютага 1952 — 15 студзеня 2017) — беларускі даследчык гісторыі архітэктуры Беларусі. Кандыдат мастацтвазнаўства[1][2].
| Алена Юр’еўна Пятросава | |
|---|---|
| Дата нараджэння | 7 лютага 1952 |
| Дата смерці | 15 студзеня 2017 (64 гады) |
| Род дзейнасці | гісторык архітэктуры, мастацтвазнаўца, мастачка, мастак-мазаічыст |
| Месца працы | |
| Навуковая ступень | кандыдат мастацтвазнаўства |
| Альма-матар | |
 Цытаты ў Вікіцытатніку | |
Біяграфія правіць
Нарадзілася ў сям’і беларуса і армянкі. Атрымала архітэктурную адукацыю ў Беларускім палітэхнічным інстытуце[3]. Працавала ў Інстытуце мастацтвазнаўства Акадэміі навук[1].
Алена Пятросава была кандыдатам мастацтвазнаўства, займалася вывучэннем архітэктуры Беларусі, у прыватнасці неаготыкай[1]. Тэма яе кандыдатскай гучала як «„Готыка“ і неаготыка ў архітэктуры Беларусі: да пытання аб выкарыстанні гатычных формаў у архітэктуры Беларусі другой паловы XVIII — пачатку XX стст.»[4].
Яна суаўтарка адной з найлепшых кніжак пра Мінск — «Помнікі архітэктуры Менску XVII — пачатку XX ст.» разам з Тамарай Чарняўскай[1].
Напісала шмат артыкулаў для пяцітамовай «Энцыклапедыі літаратуры і мастацтва» па гісторыі архітэктуры. У прыватнасці, па гісторыі архітэктуры Мінска. Былі дзясяткі артыкулаў, прысвечаных архітэктуры Беларусі[1].
Акрамя гэтага займалася мастацкай творчасцю, у тым ліку як мастак-мазаічыст[3].
Памерла пасля працяглай анкалагічнай хваробы 15 студзеня 2017 года[1].
Сям’я правіць
Дачка Ксенія Ангелава — мастачка[3].
Водгукі правіць
Паводле мастацтвазнаўцы і гісторыка архітэктуры Сяргея Харэўскага, Алена Пятросава была вельмі вядомай даследчыцай гісторыі архітэктуры ў 70-80-х гадах[1].
Зноскі
- ↑ а б в г д е ё Алесь Дашчынскі. Ня стала Алены Пятросавай
- ↑ Пятросава, Алена Юр’еўна (кандыдат мастацтвазнаўства)
- ↑ а б в Выставка работ Ксении Ангеловой и Елены Петросовой «Трезвучие надежды» открывается в Минске 24 декабря (руск.)
- ↑ «Готыка» і неаготыка ў архітэктуры Беларусі: да пытання аб выкарыстанні готич. формаў у архітэктуры Беларусі другой паловы XVIII-пачатку XX стст. (руск.)
