Альгерд Невяроўскі

Альгерд Невяроўскі (19 жніўня 1969, Мінск, Беларусь — 1 кастрычніка 2009, Беласток) — беларускі журналіст.

Альгерд Невяроўскі
Асабістыя звесткі
Дата нараджэння	19 жніўня 1969(1969-08-19)
Месца нараджэння	Мінск, БССР, СССР
Дата смерці	1 кастрычніка 2009(2009-10-01) (40 гадоў)
Месца смерці	Беласток, Падляскае ваяводства, Польшча
Пахаванне	могілкі Калодзішчы
Грамадзянства	БССР  Беларусь
Альма-матар	Універсітэт кардынала Стэфана Вышынскага ў Варшаве (1995)
Прафесійная дзейнасць
Род дзейнасці	журналіст

Біяграфія

Альгерд нарадзіўся 19 жніўня 1969 года ў Мінску. У 1995 годзе закончыў гістарычнае аддзяленне каталіцкага Універсітэта імя Кардынала Стэфана Вышынскага ў Варшаве са званнем магістра. З таго часу працаваў у асноўным журналістам. Два гады ў газеце «Наша слова», затым у газеце «Свабода». Супрацоўнічаў у якасці карэспандэнта з расійскай газетай «Камерсант». Цягам сямі гадоў, да 2005 года, быў карэспандэнтам польскай рэдакцыі радыё Бі-Бі-Сі. Працяглы час, з 1996-га па 2007 год, быў карэспандэнтам Радыё Свабода ў Мінску, на якім гучалі яго каментары, нарысы і паведамленні са сферы палітычнага, рэлігійнага і грамадскага жыцця. З 2007 года жыў і працаваў журналістам Радыё Рацыя ў Беластоку.

Шмат часу праводзіў на працоўным месцы, шукаючы тэмаў, абмяркоўваў новыя задумы, клапаціўся аб якасці праграм, з якім быў моцна эмацыйна звязаны.

Апошні час жыў у Беластоку, Польшча, дзе і памёр нечакана ва ўзросце 40 гадоў. У Альгерда засталося двое дзяцей: дачка Івона і сын Чэслаў.

Спасылкі

• Радыё Рацыя, Памёр Альгерд Невяроўскі(недаступная спасылка)
• Радыё Рацыя, Альгерд Невяроўскі: Супярэчлівае рашэнне Еўрасаюза
• КХП-БНФ, Альгерд Невяроўскі: Прэзэнтацыя кнігі Сяргея Навумчыка
• Гарадзенская філія АГП, Альгерд Невяроўскі: Выбар(недаступная спасылка)
• Радыё Рацыя, Альгерд Невяроўскі: Вынікі году(недаступная спасылка)
• Радыё Рацыя, Альгерд Невяроўскі, Дзень Перамогі ў кожнага свой(недаступная спасылка)