Аляксандр Іванавіч Руцкі

Аляксандр Іванавіч Руцкі (1904—1985) — беларускі спецыяліст у галіне электратэхнікі. Кандыдат тэхнічных навук (1945), прафесар (1964). Удзельнік Вялікай Айчыннай вайны.

Аляксандр Іванавіч Руцкі
Дата нараджэння	21 лютага 1904(1904-02-21)
Месца нараджэння	Стоўбцы, Мінскі павет, Мінская губерня, Расійская імперыя
Дата смерці	1985
Род дзейнасці	інжынер, выкладчык універсітэта, загадчык кафедры, дэкан
Месца працы	энергетычны факультэт БНТУ
Навуковая ступень	кандыдат тэхнічных навук
Навуковае званне	прафесар (1964)
Альма-матар	Беларускі дзяржаўны інстытут сельскай гаспадаркі (1926) Санкт-Пецярбургскі дзяржаўны электратэхнічны ўніверсітэт (1934)
Узнагароды

Біяграфія

Скончыў Беларускі дзяржаўны ўніверсітэт (фізіка-матэматычнае аддзяленне, 1926), Ленінградскі электратэхнічны інстытут (спецыяльнасць «Электрычныя станцы, сеткі і сістэмы», 1934).

Працаваў у Беларускім політэхнічным інстытуце (1934—1941 і з 1946, энергетычны факультэт, кафедра «Электрычныя станцыі», у 1946—1971 — загадчык кафедры, адначасова дэкан факультэта, з 1971 — прафесар-кансультант).

Памёр у 1985 годзе.

Навуковая дзейнасць

Навуковыя інтарэсы: даследаванні ў галіне ланцугоў са сталлю і іх прымяненне ў разліках магнітных ланцугоў; электрадынамічная стойкасць і аэрадынамічная стабільнасць токаправодзячых канструкцый з гібкімі правадамі; абсталяванне электрастацый і падстанцый.

Узнагароды

Узнагароды: званне «Заслужаны дзеяч навукі і тэхнікі Беларускай ССР» (1954), ордэн Чырвонай Зоркі (1944) і інш.

Літаратура

• Руцкі Аляксандр Іванавіч // Беларуская савецкая энцыклапедыя : [у 12 т.] . — Мінск, 1974. — Т. 11. — С. 647.
• Творческое наследие профессора Руцкого Александра Ивановича (к 100-летию со дня рождения) // Известия высших учебных заведений и энергетических объединений СНГ. Энергетика. — 2004. — № 1. — С. 87—90.