Аляксандр Мікалаевіч Канапацкі

Аляксандр Мікалаевіч Канапацкі
Аляксандр Мікалаевіч Канапацкі
дэпутат Гомельскага гарадскога Савета дэпутатаў[d]
дэпутат Палаты прадстаўнікоў Нацыянальнага сходу Рэспублікі Беларусь[d]
	з 2024
Нараджэнне	29 верасня 1988 (36 гадоў); Вічын, Дварэцкі сельсавет, Лунінецкі раён, Брэсцкая вобласць, БССР, СССР;
Партыя	Камуністычная партыя Беларусі;
Адукацыя	БелДУТ; Беларускі гандлёва-эканамічны ўніверсітэт спажывецкай кааперацыі; Акадэмія кіравання пры Прэзідэнце Рэспублікі Беларусь;
Месца працы	Гомельскі завод самаходных камбайнаў[d]; Гомсельмаш;
Узнагароды	Ганаровая грамата Гомельскага гарадскога Савета дэпутатаў[d]

Аляксандр Мікалаевіч Канапацкі (нар. 29 верасня 1988, в. Вічын, Лунінецкі раён) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Біяграфія

Нарадзіўся 29 верасня 1988 года ў в. Вічын Лунінецкага раёна Брэсцкай вобласці^[1].

Скончыў Беларускі дзяржаўны ўніверсітэт транспарту, там жа магістратуру па спецыяльнасці «Апрацоўка канструкцыйных матэрыялаў у машынабудаванні»; Беларускі гандлёва-эканамічны ўніверсітэт спажывецкай кааперацыі па спецыяльнасці «Правазнаўства»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і эканоміка»^[1].

Працоўную дзейнасць пачаў у філіяле ААТ «Гомсельмаш» «Гомельскі завод самаходных камбайнаў». Працаваў кантрольным майстрам бюро тэхнічнага кантролю механазборачнага корпуса № 1, намеснікам начальніка аддзела кадраў, начальнікам аддзела па ідэалагічнай рабоце, намеснікам генеральнага дырэктара ААТ «Гомсельмаш»^[1].

Член Камуністычнай партыі Беларусі^[1].

Выбіраўся дэпутатам Гомельскага гарадскога Савета дэпутатаў 28-га склікання^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Гомельскай-Чыгуначнай акругі № 32. Член Пастаяннай камісіі па працы і сацыяльных пытаннях^[1].

Узнагароды

Узнагароджаны ганаровымі граматамі Гомельскага гарадскога Савета дэпутатаў, адзначаны падзячнымі пісьмамі Прэзідэнта Рэспублікі Беларусь і Падзякай Кіраўніка Адміністрацыі Прэзідэнта Рэспублікі Беларусь^[1].

Сям'я

Жанаты, выхоўвае дваіх сыноў^[1].

Зноскі

↑ ^а ^б ^в ^г ^д ^е ^ё ^ж Біяграфія на сайце Палаты прадстаўнікоў Нацыянальнага сходу Рэспублікі Беларусь

Спасылкі

Біяграфія на сайце Палаты прадстаўнікоў Нацыянальнага сходу Рэспублікі Беларусь

[:0-1] а ^б ^в ^г ^д ^е ^ё ^ж Біяграфія на сайце Палаты прадстаўнікоў Нацыянальнага сходу Рэспублікі Беларусь

[1]