Аліна Коўшык

Алі́на Ко́ўшык-Петшыкоўска (нар. 26 кастрычніка 1981, Гродна) — беларуская журналістка, грамадская і палітычная дзяячка. Прадстаўніца па нацыянальным адраджэнні ў Аб’яднаным пераходным кабінеце Святланы Ціханоўскай (2022—2024).

Аліна Коўшык
Аліна Коўшык на канферэнцыі ў Варшаве ў 2022 годзе
Род дзейнасці	журналістка, тэлевядучая
Дата нараджэння	26 кастрычніка 1981(1981-10-26) (43 гады)
Месца нараджэння	Гродна, Гродзенская вобласць, БССР, СССР
Грамадзянства	Беларусь
Месца працы	Белсат
Альма-матар	Варшаўскі ўніверсітэт
Член у	Аб’яднаны пераходны кабінет Беларусі (16 лістапада 2024) Каардынацыйная рада III-га склікання
Сайт	1000i1koushyk.blogspot.com
Медыяфайлы на Вікісховішчы

Біяграфія

Нарадзілася ў Гродне. Скончыла гістарычны факультэт Гродзенскага дзяржаўнага ўніверсітэта імя Янкі Купалы, атрымаўшы дыплом гісторыка і выкладчыцы англійскай мовы. Пазней скончыла аспірантуру Варшаўскага ўніверсітэта па спецыяльнасці паліталогія і гісторыя, кірунак — Усходняя Еўропа.

Жыве ў Варшаве (Польшча). Трапіла на «Белсат», прайшоўшы адкрыты кастынг, калі канал толькі запускаўся. Была першай вядучай «Аб’ектыва» ў жывым эфіры, вяла міжнародную праграму «ПраСвет», стала аўтаркай ідэі кулінарнага шоу «Я не буду гэта есці». Да верасня 2022 года працавала на тэлеканале «Белсат», вяла інфармацыйны блок «Студыя „Белсат“». Сузанавальніца Цэнтра беларускай салідарнасці ў Варшаве і творчай пляцоўкі ІнБелКульт 2.0.

У верасні 2022 года прызначаная прадстаўніцай па нацыянальным адраджэнні ў Аб’яднаным пераходным кабінеце Святланы Ціханоўскай.

Ад 3 снежня 2024 года Аліна Коўшык стала галоўнай рэдактаркай «Белсата».

Сям’я

Замужам, сын Караль.