Аналіз размернасцей

Ана́ліз разме́рнасцей, ці тэо́рыя разме́рнасцей — матэматычны метад вызначэння формул, якія выражаюць залежнасць паміж фізічнымі велічынямі пры даследаванні розных з'яў.

Аналіз размернасцей заснаваны на супастаўленні размернасцей фізічных велічынь. Выкарыстоўваецца ў выпадках, калі адшуканне фізічнай велічыні патрабуе складаных разлікаў або ведання механізму працэсу, працяканне якога не вызначана.

Аналіз размернасцей пашыраны ў многіх раздзелах фізікі і сумежных навуках (механіцы, гідрадынаміцы, цеплатэхніцы і іншых).

Гл. таксама

• Тэорыя падобнасці

Літаратура

• Размернасцей аналіз // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. С. 261.