Анастасія Алегаўна Красоўская
Анастасія Алегаўна Красоўская (нар. 2 студзеня 1999, Мінск, Беларусь) — беларуская актрыса.
| Анастасія Алегаўна Красоўская | |
|---|---|
| Дата нараджэння | 2 студзеня 1999 (25 гадоў) |
| Месца нараджэння | |
| Грамадзянства | |
| Прафесія | мадэль, акцёрка, кінаактрыса |
| Узнагароды |
Сярэбраны леапард[d] (2021) |
| IMDb | ID 11460366 |
Біяграфічныя звесткі правіць
Родам з Мінска, дзе і вырасла. Вучылася на юрыстку-міжнародніцу, але ў 2017 годзе паспрабавала сябе ў мадэльным бізнэсе і нават паспела папрацаваць у Кітаі. Супрацоўнічала з буйнымі міжнароднымі брэндамі, акрамя кітайскіх подыумаў, удзельнічала ў паказах ва Украіне, Карэі і Італіі.
У 2019 годзе атрымала ролю ў кліпе Цімы Беларускіх «Вітамінка». Яе кінадэбют — расійскі мастацкі фільм 2021 года пад назвай «Герда», дзе сыграла ролю правінцыйнай студэнткі сацфака, якая падпрацоўвае стрыптызёркай, каб дапамагаць хворай маці.
На кінафестывалі ў швейцарскім адзначылі прызам за найлепшую жаночую ролю. Яна расказвала, што яе праца ў «Гердзе» ўразіла вядомага аргенцінскага рэжысёра Гаспара Наэ: «Гэтая карціна закранула яго, ён напісаў пра гэта асабіста».
У 2022 годзе атрымала галоўную жаночую роль ў спартовай драме «Бультэр’ер» пра баі без правіл.
Адначасова з поўнаметражкамі спрабуе сябе ў расійскіх серыялах. Яна з’явілася ў трэцім сезоне драмы «Складаныя падлеткі» (у ролі стрыптызёркі), прыгодніцкіх серыялах «Зграя» і «Чорная вясна», а таксама ў драме «Актрысы».
Фільмаграфія правіць
- 2021 — «Герда»
- 2021 — «Складаныя падлеткі»
- 2022 — «Бультэр’ер»
- 2022 — «Чорная вясна»
- 2023 — «Слова пацана. Кроў на асфальце»
- 2023 — «Зграя»
- 2023 — «Актрысы»
- 2023 — «Унутры забойцы»
- 2023 — «Дайце шоу»