Ціма Беларускіх

Ціма Беларускіх
Ціма Беларускіх
Асноўная інфармацыя
Поўнае імя	Цімафей Андрэевіч Марозаў
Дата нараджэння	1 кастрычніка 1998 (26 гадоў)
Месца нараджэння	Мінск, Беларусь;
Краіна	Беларусь
Музычная дзейнасць
Прафесіі	спявак
Гады актыўнасці	2017 — 2020
Інструменты	вакал, кантрабас, віяланчэль
Жанры	поп-музыка, рэп
Псеўданімы	Ціма Беларускіх
Лэйблы	Kaufman Label
belorusskih.love (руск.)
	Медыяфайлы на Вікісховішчы

Цімафе́й Андрэ́евіч Маро́заў, больш вядомы як Ціма Беларускіх (нар. 1 кастрычніка 1998, Мінск, Беларусь) — беларускі поп-спявак, рэпер, аўтар песень. Атрымаў вядомасць у 2018 годзе з песнямі «Мокрые кроссы» і «Незабудка», якія занялі першыя месцы расійскага музычнага чарта «Яндекс.Музыка»^[4]. Дэбютная кружэлка выканаўцы «Твой первый диск — моя кассета» таксама ўзначаліла альбомны рэйтынг «Apple Music»^[5].

Біяграфія

Цімафей нарадзіўся 1 кастрычніка 1998 года ў Мінску. Рос у поўнай сям’і: бацька — колішні вакаліст опернага тэатра, зараз жыве ў Індыі, дзе выкладае музыку дзецям, маці — настаўнік музыкі (на цяперашні момант — у дэкрэтным адпачынку). Таксама ў рэпера ёсць старэйшы брат. Па дадзеных СМІ, па стане на 2018 год яго бацькі ў разводзе^[6].

Па ўласных словах, з ранняга дзяцінства Цімафей захапляўся музыкай. У 6 гадоў бацькі адвялі яго ў музычную школу, дзе ён займаўся гульнёй на віяланчэлі. З 6 да 12 гадоў Ціма актыўна займаўся футболам, але ўсё-такі хадзіць у секцыю на трэніроўкі яму надакучыла і ён кінуў. У школе Ціма вучыўся добра, паспяхова сумяшчаючы яе са спортам. Акрамя таго, часта выступаў на канцэртах школьнай самадзейнасці^[7].

У 10 гадоў Ціма Беларускіх паступіў у Рэспубліканскую гімназію-каледж пры Беларускай дзяржаўнай акадэміі музыкі і вучыўся там да 9-га класа, пасля чаго паступіў у лінгвагуманітарны каледж. Яго вучоба там скончылася пасля двух чвэрцяў. «Прагульваў — і не зраслося», — казаў Цімафей аб прычынах свайго сыхода з каледжа. Сваю вучобу спявак працягнуў у школе, дзе скончыў дзясяты клас і паступіў у каледж мастацтваў, але і там Беларускіх правучыўся менш за семестр. Сам Ціма распавядаў, што ў той час граў у пераходах на віяланчэлі. Акрамя таго, падпрацоўваў прадаўцом марожанага і грузчыкам^[8].

У 2016 годзе Цімафей не прайшоў кастынг, арганізаваны беларускім рэп-лэйблам «Kaufman» ў мінскім клубе «Re:Public», але ў наступным годзе ўсё-такі стаў удзельнікам лэйбла^[9].

Першыя трэкі ў супрацоўніцтве з лэйблам рэпер запісаў у сярэдзіне 2017 г., аднак ніводная з іх не дабілася значнай папулярнасці. На пачатку 2018 года Ціма Беларускіх выдае свой першы міні-альбом, а ў сярэдзіне таго года — сінгл «Мокрые кроссы», які прынес шырокую вядомасць выканаўцу. На відэахостынгу «YouTube» за кароткі перыяд ён набраў 7 млн праглядаў, трапіў у найбуйнейшы расійскі музычны чарт «Яндекс. Музыка», дзе дасягнуў першага месца, а па выніках года ў сацыяльнай сетцы «УКантакце» заняў 11-е месца ў рэйтынгу найбольш праслухоўваных песень^[4].

Неўзабаве выйшла песня «Незабудка», якая ўжо праз некалькі дзён пасля прэм’еры трапіла на другое месца рэйтынга «Яндекс. Музыка». Сумесны відэакліп на трэкі «Мокрые кроссы» і «Незабудка» набраў 15 млн праглядаў на «YouTube».

20 кастрычніка 2018 года спявак даў у мінскім клубе «Re: Public» свой першы сольны канцэрт. Далей былі канцэрт у Гомелі 26 кастрычніка, у Наваполацку 3 лістапада і 7 лістапада яшчэ адзін у Мінску^[4].

30 студзеня 2019 г. выдаў свой першы студыйны альбом — «Твой первый диск — моя кассета», які дасягнуў высокіх пазіцый у альбомных чартах «Яндэкс. Музыкі» і «Apple Music». У красавіку таго ж года трапіў у намінанты рэйтынга часопіса «Forbes» «Прафесіянал да 30 гадоў» у катэгорыі «Музыка і кіно». Паводле часопіса, толькі на адных канцэртах Беларускіх зарабіў прынамсі 230 тыс. долараў^[10].

Псеўданім

Прадстаўнікі лэйбла, на якім выдаецца Ціма Беларускіх, пракаментавалі выбар псеўданіма наступным чынам: «Па-першае, мы з Беларусі. Заўжды хацелася нейкай павышанай увагі да нашай краіны ў плане музыкі. Заўжды яна неяк недаацэньвалася, недаглядалася, недаслухвалася. Таму мы вырашылі, што псеўданім адразу мусіць паказваць, хто і адкуль. Па-другое, так супала, што „Ціма“ гэта амаль па-англійску „каманда“ (team). Мы ўсе з Беларусі і мы разам працуем над адной справай»^[11].

Сам Цімафей назваў сабе «патрыётам, якому хочацца, каб пра Беларусь часцей згадвалі ў свеце». Таксама ён адзначыў, што з’язджаць з краіны не збіраецца, бо «тут ёсць усё, каб рухацца далей»^[7].

Газета «Наша Ніва» звяртае ўвагу, што прозвішча Беларускіх — не беларускага паходжання і ўвогуле аксюмаран, паколькі падобнае формаўтварэнне характэрна для прозвішчаў прыгонных сялянаў, што ўтвараліся ад назваў памешчыцкіх родаў, а ў Беларусі дваранаў Беларускія ніколі не было^[12].

Дыскаграфія

Альбомы

2019 — «Твой первый диск — моя кассета» (бел.: «Твой першы дыск — мая касета»)

Сінглы

2017 — «Рассвет» (бел.: «Світанак»)
2017 — «Заново» (бел.: «Нанова»)
2018 — «Дождь» (бел.: «Дождж»)
2018 — «Взял и полетел» (бел.: «Узяў і паляцеў»)
2018 — «Девочка-песня» (бел.: «Дзяўчынка-песня»)
2018 — «Привет давай перевернем» (бел.: «Прывітанне давай перавернем»)
2018 — «Мокрые кроссы» (бел.: «Мокрыя кросы»)
2018 — «О простом» (бел.: «Аб простым»)
2018 — «Искры» (бел.: «Іскры»)
2018 — «Не онлайн» (бел.: «Не анлайн»)
2018 — «Незабудка» (бел.: «Незабудка»)
2019 — «Витаминка» (бел.: «Вітамінка»)
2019 — «Я больше не напишу» (бел.: «Я больш не напішу»)
2019 — «Поезда» (бел.: «Цягнікі»)
2019 — «Алёнка» (бел.: Алёнка)
2019 — «Целовать» (бел.: «Цалаваць»)
2019 — «Найду тебя» (бел.: «Знайду цябе»)

Відэакліпы

2017 — «Рассвет»
2017 — «Заново»
2018 — «Мокрые кроссы» + «Незабудка»
2019 — «Витаминка»
2019 — «Целовать»

Крыніцы

↑ Что слушает молодежь: Топ – 5 молодых звезд, по которым фанатеют ваши дети // Комсомольская правда — Комсомольская правда, 1925. — 655000 экз. — ISSN 0233-433X; 1563-6372 Праверана 15 ліпеня 2022.
<a href="https://wikidata.org/wiki/Track:Q4230185"></a><a href="https://wikidata.org/wiki/Track:Q849047"></a>
↑ https://sputnik.by/20181204/Kto-takoy-Tima-Belorusskikh-biografiya-i-interesnye-fakty-o-pevtse-1038994558.html
↑ Кто такой Тима Белорусских: биография и интересные факты о певце — 2018. Праверана 29 ліпеня 2022.
↑ ^а ^б ^в Рэп-зорка Ціма Беларускіх трымае першае і другое месца ў галоўным расійскім хіт-парадзе (бел.). Наша Ніва (27 кастрычніка 2018). Праверана 22.05.2019.
↑ Музыкальные чарты за неделю: лидируют Тима Белорусских, Kazka, Zivert, Фейс и другие (руск.). Рамблер (21 лютага 2019). Праверана 22.05.2019.
↑ Кто такой Тима Белорусских: биография и интересные факты о певце (руск.). Sputnik (4 снежня 2018). Праверана 22.05.2019.
↑ ^а ^б Рэп-зорка Ціма Беларускіх даў сваё першае вялікае інтэрв'ю: галоўныя цытаты (бел.). Наша Ніва (17 студзеня 2019). Праверана 22.05.2019.
↑ Миллионер в мокрых кроссах: сколько приносят Тиме Белорусских самые привязчивые поп-хиты 2019-го (руск.). Forbes (4 красавіка 2019). Праверана 22.05.2019.
↑ Продюсер Тимы Белорусских — о том, как найти, раскрутить и удержать новую звезду (руск.). The Flow (12 снежня 2018). Праверана 22.05.2019.
↑ Тима Белорусских — номинант в рейтинг Forbes (руск.)(недаступная спасылка). Tut.by (4 красавіка 2019). Архівавана з першакрыніцы 11 жніўня 2019. Праверана 22.05.2019.
↑ Хто такі Ціма Беларускіх? Пяць фактаў (бел.). Будзьма беларусамі! (12 снежня 2018). Праверана 22.05.2019.
↑ Чаму «Беларускіх» не беларускае прозвішча і ўвогуле аксюмаран (бел.). Наша Ніва (9 снежня 2018). Праверана 22.05.2019.

Спасылкі

	Ціма Беларускіх на Вікісховішчы

https://xn----7sbb9cob.com/artist/2-tima-belorusskih/(недаступная спасылка)

[_37a7c75c30ed4c6c-1] Что слушает молодежь: Топ – 5 молодых звезд, по которым фанатеют ваши дети // Комсомольская правда — Комсомольская правда, 1925. — 655000 экз. — ISSN 0233-433X; 1563-6372 Праверана 15 ліпеня 2022.
<a href="https://wikidata.org/wiki/Track:Q4230185"></a><a href="https://wikidata.org/wiki/Track:Q849047"></a>

[_631e77ae034a7a86-2] ttps://sputnik.by/20181204/Kto-takoy-Tima-Belorusskikh-biografiya-i-interesnye-fakty-o-pevtse-1038994558.html

[_b32887d622c0a911-3] Кто такой Тима Белорусских: биография и интересные факты о певце — 2018. Праверана 29 ліпеня 2022.

[niva-4] а ^б ^в Рэп-зорка Ціма Беларускіх трымае першае і другое месца ў галоўным расійскім хіт-парадзе (бел.). Наша Ніва (27 кастрычніка 2018). Праверана 22.05.2019.

[5] Музыкальные чарты за неделю: лидируют Тима Белорусских, Kazka, Zivert, Фейс и другие (руск.). Рамблер (21 лютага 2019). Праверана 22.05.2019.

[6] Кто такой Тима Белорусских: биография и интересные факты о певце (руск.). Sputnik (4 снежня 2018). Праверана 22.05.2019.

[nn-7] а ^б Рэп-зорка Ціма Беларускіх даў сваё першае вялікае інтэрв'ю: галоўныя цытаты (бел.). Наша Ніва (17 студзеня 2019). Праверана 22.05.2019.

[8] Миллионер в мокрых кроссах: сколько приносят Тиме Белорусских самые привязчивые поп-хиты 2019-го (руск.). Forbes (4 красавіка 2019). Праверана 22.05.2019.

[9] Продюсер Тимы Белорусских — о том, как найти, раскрутить и удержать новую звезду (руск.). The Flow (12 снежня 2018). Праверана 22.05.2019.

[10] Тима Белорусских — номинант в рейтинг Forbes (руск.)(недаступная спасылка). Tut.by (4 красавіка 2019). Архівавана з першакрыніцы 11 жніўня 2019. Праверана 22.05.2019.

[11] Хто такі Ціма Беларускіх? Пяць фактаў (бел.). Будзьма беларусамі! (12 снежня 2018). Праверана 22.05.2019.

[12] Чаму «Беларускіх» не беларускае прозвішча і ўвогуле аксюмаран (бел.). Наша Ніва (9 снежня 2018). Праверана 22.05.2019.

[4]

[5]

[1]

[2]

[3]

[6]

[7]

[8]

[9]

[10]

[11]

[12]