Камсамольская праўда
«Комсомо́льская пра́вда» (бел.: Камсамольская праўда) — штодзённая газета, заснаваная 13 сакавіка 1925 года. У савецкі перыяд — орган ЦК УЛКСМ.
| «Комсомольская правда» | |
|---|---|
 | |
 | |
| Арыгінальная назва |
руск.: Комсомольская правда |
| Тып | штодзённая |
| Фармат | А3 |
| Выдавец | ЗАТ «Издательский дом „Комсомольская правда“» |
| Краіна | |
| Рэдактар | Алеся Носава |
| Заснавана | 24 мая 1925[2] |
| Мова | руская |
| Кошт | вольны |
| Галоўны офіс | |
| Тыраж | 655 000[3][4] |
| ISSN | 0233-433X і 1563-6372 |
| Узнагароды |
    |
| Вэб-сайт | kp.ru |
Гісторыя Правіць
Створана ў адпаведнасці з рашэннем XIII з’езду РКП (б). Першы нумар газеты выйшаў 24 мая 1925 года накладам 31 тыс. асобнікаў.
Газета першапачаткова арыентавалася на моладзевую аўдыторыю, таму ў ёй было шмат навукова-папулярных і прыгодніцкіх артыкулаў. У 1960—1970-х гадах у ёй працавалі такія журналісты як Галаванаў і Пяскоў. З пачаткам перабудовы ў газеце пачалі з’яўляцца сацыяльна-крытычныя артыкулы, якія яшчэ больш падвысілі папулярнасць газеты. У канцы 1980-х гадоў яе наклад дасягаў 20 млн асобнікаў.
З 1 снежня 1990 года «Комсомольская правда» перастала быць органам ЦК УЛКСМ, ператварыўшыся ва ўсесаюзную штодзённую газету.
19 жніўня 1991 года падчас Жнівеньскага путчу газета была забаронена ГКЧП і ўпершыню за ўсю гісторыю не выйшлі па графіку нумары 19 і 20 жніўня. Але ўжо 21 жніўня газета надрукавала ўсю хроніку падзеяў путчу як гістарычны дакумент.
У 1990—2000-я гады ад грамадcка-палітычнай тэматыкі газета прыкметна зрушыла акцэнт увагі на свецкую хроніку, жыцці знакамітасцей і пацеху чытача, стаўшы адным з буйных «таблоідаў». Палітычны агляд у газеце застаўся, але стаў займаць менш месца.
З 1993 года выходзіць штотыднёвік «Комсомольская правда» (часам званы «таўстушка») з павялічаным аб’ёмам. Яго наклад значна перавышае наклад штодзённага нумара і дасягае 3,1 мільёну асобнікаў. Да 2005 года штотыднёвік выходзіў па пятніцах, затым — па чацвяргах.
13 лютага 2006 года згарэў увесь шосты паверх будынка, дзе размяшчалася маскоўская рэдакцыя газеты «Комсомольская правда». Нягледзячы на пажар, «Камсамолка» засталася працаваць на вуліцы Праўды. Рэдакцыю перанеслі ў будынак былой паліклінікі на вул. Праўды, 15.
У пачатку жніўня 2007 года «Комсомольская правда» змяніла адрас і пераехала на Стары Пятроўска-Разумоўскі праезд (станцыя мэтро «Дынама»), дзе і знаходзіцца дагэтуль. Выдавецкі дом займае 3 паверху ў 8-павярховым будынку Маскоўскага швейнага аб’яднання «Вымпел» (заснаванае ў 1914 годзе), якое здае значную частку сваіх пляцаў пад камерцыйныя і іншыя арганізацыі.
У Беларусі Правіць
«КП у Беларусі» — беларуская версія выдання, якая выходзіла ў 1994—2021 гадах. Пасля прэзідэнцкіх выбараў 2020 года газеце не давалі друкавацца ў Беларусі і выдалілі з дзяржаўнай сеткі распаўсюджвання па падпісцы і ў розніцу. За паўгода пасля жніўня 2020 года тыраж выдання ўпаў са 150 да 39 тысяч асобнікаў.
29 верасня 2021 года сайт «КП у Беларусі» — kp.by — быў заблакаваны з-за матэрыялу Генадзя Мажэйкі пра перастрэлку ў Мінску, 1 кастрычніка журналіст быў арыштаваны[5]. 5 кастрычніка 2021 года «Камсамольская праўда» закрыла свой беларускі філіял. У цяперашні час артыкулы і нататкі з навінамі з Беларусі публікуюцца на сайце расійскага выдання, у спецыяльна створаным раздзеле belarus.kp.ru.
Зноскі
- ↑ The ISSN portal — Paris: ISSN International Centre, 2005. — ISSN 0233-433X
- ↑ https://www.kp.ru/putevoditel/interesnye-fakty/zhurnalisty-legendy-komsomolskoj-pravdy/
- ↑ http://psplkp.agency-siam.ru/
- ↑ http://lenta.ru/news/2011/03/03/abc/
- ↑ Кремль не протестует против закрытия «Комсомольской правды» в Беларуси. Это странно или логично?
Гл. таксама Правіць
Спасылкі Правіць
- Афіцыйны сайт (руск.)
- «КП в Белоруссии» Архівавана 29 лістапада 2016. (руск.)