Андрэй Фёдаравіч Самусік

Андрэй Фёдаравіч Самусік (нар. 20 лістапада 1972, Мінск) — беларускі гісторык. Спецыяліст па гісторыі адукацыйнай дзейнасці хрысціянскіх канфесій у Беларусі ў XVI — першай трэці XIX стагоддзяў. Кандыдат гістарычных навук (1998), дацэнт (2003).

Андрэй Фёдаравіч Самусік
Дата нараджэння	20 лістапада 1972(1972-11-20) (51 год)
Месца нараджэння	Мінск, БССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	гістарыяграфія
Месца працы	Беларускі дзяржаўны эканамічны ўніверсітэт
Навуковая ступень	кандыдат гістарычных навук (1998)
Альма-матар	гістарычны факультэт БДУ (1995)

Біяграфія

Нарадзіўся 20 лістапада 1972 года ў Мінску.

Скончыў у 1995 годзе гістарычны факультэт БДУ. У 1998 годзе скончыў аспірантуру БДУ. У 1998 годзе абараніў кандыдацкую дысертацыю па тэме «Развіццё сістэмы асветы на беларускіх землях у 1770—1830-я гг.».

Працаваў дацэнтам кафедры эканамічнай гісторыі Беларускага дзяржаўнага эканамічнага ўніверсітэта.

У 2018 годзе скончыў дактарантуру Інстытута гісторыі НАН Беларусі.

Навуковая дзейнасць

Напрамкі даследаванняў: сістэма адукацыі ў Еўропе і Беларусі ў XV—XIX ст., гісторыка-культурная спадчына Беларусі.

Аўтар навучальнага дапаможніка «Помнікі гісторыі і культуры Беларусі» (2004; пашыраны ў 2013), звыш 100 навуковых публікацый, суаўтар «Гісторыі Беларусі» у 6 т., навучальных дапаможнікаў па гісторыі Беларусі ў кантэксце сусветных цывілізацый.

Бібліяграфія

• Помнікі гісторыі і культуры Беларусі: вучэбны дапаможнік. Мінск, 2004; 2013.

Удзел у калектыўных працах

• История Беларуси: в контексте мировых цивилизаций : пособие для студентов-заочников. Минск, 2018; 2019.
• Гісторыя Беларусі: у 6 т. Т. 2: Беларусь у перыяд Вялікага Княства Літоўскага. Мінск, 2008.
• Гісторыя Беларусі: у кантэксце сусветных цывілізацый : вучэбны дапаможнік. Мінск, 2005; 2007; 2009; 2013.

Літаратура

• САМУСІК Андрэй Фёдаравіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.
• Самусік Андрэй Фёдаравіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8.

Спасылкі

• Самусік, Андрэй Федаравіч (нар. 1972)(недаступная спасылка) у Каталогу ЦНБ НАН Беларусі