Аніські (Смаленская вобласць)

Аніські (руск.: Аниськи) — вёска ў Руднянскім раёне Смаленскай вобласці Расіі. Уваходзіць у склад Клярынаўскага сельскага паселішча. Насельніцтва — 8 жыхароў (2007).

Вёска Аніські Краіна Расія Суб’ект федэрацыі Смаленская вобласць Муніцыпальны раён Руднянскі раён Каардынаты 55°08′46″ пн. ш. 31°17′53″ у. д. Тэлефонны код 48141 Паштовыя індэксы 216782 Код АКАТП 66238833027 Аніські на карце Расіі ±

Размешчана ў заходняй частцы вобласці за 25 км на паўночны ўсход ад Рудні, за 3 км паўночна-на захад ад аўтадарогі Р130 Дзямідаў - Рудня, на беразе ракі Чарабесна. За 30 км на поўдзень ад вёскі размешчана чыгуначная станцыя 439 км на лініі Смаленск — Віцебск.

Гісторыя

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.

У гады Вялікай Айчыннай вайны вёска была акупавана нямецкімі войскамі ў ліпені 1941 года, вызвалена ў кастрычніку 1943 года.