Арлея (гарадзішча)
Арлея — археалагічны помнік каля вёскі Арлея Полацкага раёна Віцебскай вобласці. Знаходзіцца за 1 км на паўночны ўсход ад вёскі, у лесе.
| Гарадзішча | |
| Арлея | |
|---|---|
| Краіна |
 Беларусь |
| Вёска | Арлея |
| Статус |
 Гісторыка-культурная каштоўнасць Беларусі, шыфр 213В000641 |
Апісанне правіць
Мясцовая назва Царкавішча. Займае ўзгорак авальнай формы, вышынёй 20 м. Мае пляцоўку 50x30 м. Гарадзішча ўмацавана двумя валамі вышынёй 2,5 м, ніжэй прасочваюцца яшчэ два кальцавыя валы вышынёй 3,5 м і паміж імі 2 равы шырынёй 2,5 м і глыбінёй 1 м. Адкрыў і абследаваў ў 1981 годзе Ш. І. Бекцінееў. Раскопкі ў гарадзішчы не праводзіліся.
Літаратура правіць
- Археалагічнае вывучэнне Полацка // Памяць: Полацк: гісторыка-дакументальныя хронікі гарадоў і раёнаў Беларусі / рэдкал: Г. П. Пашкоў [і інш.]; склад. С. С. Чарняўская; навук. рэд.: Г. В. Штыхаў, С. В. Тарасаў; мастак Э. Э. Жакевіч. — Мінск: БелЭн, 2002. — С. 27-48
- Полацкі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мінск : БелЭн імя П. Броўкі, 1985. — С. 332—377.