Архангельская царква (Рогаз)
Царква архангелаў Міхаіла і Гаўрыіла ў Рогазе (рум.: Biserica „Sfinții Arhangheli Mihail și Gavril” din Rogoz) — драўляная царква ў сяле Рогаз жудзеца Марамурэш у Румыніі. Уключана ЮНЕСКА ў склад культурнага аб'екта Сусветнай спадчыны Драўляныя цэрквы гістарычнай вобласці Марамурэш. У 2004 годзе ўключана ў рэестр гістарычных помнікаў (код MM-II code-04 618 mA). Знаходзіцца ў даліне ракі Лапуш.
Царква | |
Царква архангелаў Міхаіла і Гаўрыіла ў Рогазе | |
---|---|
рум.: Biserica „Sfinții Arhangheli Mihail și Gavril” din Rogoz | |
| |
47°28′08,86″ пн. ш. 23°55′37,10″ у. д.HGЯO | |
Краіна |
![]() |
Сяло | Рогаз |
Першае згадванне | 1663 |
Дата пабудовы | 1663 год |
![]() |
![]() |
Сусветная спадчына ЮНЕСКА, аб'ект № 904 рус. • англ. • фр. |
Царква пабудавана ў 1663 годзе, што ўскосна пацверджана надпісам на ўваходзе, што паведамляе пра татарскі набег 1661 года. Апроч таго, будынак царквы характэрны для гэтага перыяду.
У чэрвені 1785 года царква была распісана мастакамі Раду Мунцяну і Мікалае Манам. У 1834 годзе да заходняга нэфа была прыроблена галерэя, распісаная ў той жа год.
Царква незвычайная ў плане: шматкутная, з прамавугольным нефам і сямівугольнай алтарнай часткай. Усе сцены ўсярэдзіне распісаны, роспіс характэрны яркімі фарбамі. Дах асіметрычны, адзін схіл даўжэй іншага. Званіца, як і ва ўсіх драўляных цэрквах Марамурэша, размешчана з заходняга боку царквы, у плане квадратная.
КрыніцыПравіць
- Crețeanu, Radu (1976). Bisericile de lemn din Rogoz. 1976. 83-85.
- Tarnavschi Schuster, Dana (1973). Biserici de lemn din Țara Lăpușului. 1973. 41-57.
- Cincheza-Buculei, Ecaterina (1980). Câteva date noi despre meșterii bisericilor de lemn din Maramureș, secolul al XVIII-lea (Țara Lăpușului). 27. 23-40.
- Tarnavschi, Bogdana (1982). Biserici de lemn din Țara Lăpușului și din Țara Chioarului. 131-158, Cluj.
- Man, Grigore (2005). Biserici de lemn din Maramureș. Baia Mare.