Адкрыць галоўнае меню

Архiў Найноўшае Гiсторыi — беларускае грамадскае навукова-даследчае аб'яднанне, заснаванае ў 1996 г. Беларускім гуманітарным фондам «Наша Нiва». Праіснаваў прыкладна да пачатку 2000-х гадоў.

МэтыПравіць

  • асэнсаванне гiсторыi Беларусi XX стагоддзя;
  • пошук дэмакратычных каранёў незалежнага беларускага грамадства;
  • актуалiзацыя гэтай спадчыны.

На падставе Архiва створаны фонд беларускага самвыдату, адбываўся запiс вуснай гiсторыi, фiксацыя сучаснай гiсторыi. Спрабаваў стварыць архіў партыйных дакументаў, друкаванай прадукцыі (адозвы, улёткі, звароты і інш.), фотаздымкаў, прэс-рэлізаў і іншых дакументаў грамадскай дзейнасці ў Беларусі.

Частка матэрыялу архіву друкавалася на старонках «Нашай Нівы», на паласе «Шуфляда». На падставе гэтага з'явіўся навукова-архівістычны альманах «Шуфляда»[1]. У Нашай Ніве быў змешчаны «Апытальнік сьведкі найноўшае гісторыі Беларусі», адказы на які друкаваліся ў газеце[2].

Архіў выдаў шэраг кніг і паштовак. Прымаў удзел у падрыхтоўцы міжнароднага «Слоўніка дысідэнтаў 50-80-х гадоў».

Архіў супрацоўнічаў з такімі замежнымі арганізацыямі, як: Цэнтр KARTA (Польшча), «Мемориал» (Масква, Санкт-Пецярбург (Расія)), Група па правах чалавека ў Харкаве (Украіна), «Libri Prohibiti» (Чэхія), таварыства «Alianta Civica» (Румынія).

Выданні аб'яднанняПравіць

  • Антысавецкія рухі ў Беларусі: 1944—1956. Даведнік / Пад рэдакцыяй Алега Дзярновіча. ISBN 985-6374-07-3 Менск [3]
  • Дэмакратычная апазыцыя Беларусі: 1956—1991. Пэрсанажы і кантэкст. Даведнік, 1999
  • Сяргей Ёрш, Вяртаньне БНП. Асобы і дакумэнты Беларускай Незалежніцкай Партыі. — Менск-Слонім: БГАКЦ, 1998. — 186 с.
  • Герман Кірылаў, Гарт. Саюз беларускіх патрыётаў, 1997[4]
  • Аляксандр Лукашук За кіпучай чэкісцкай работай. З жыцця катаў, 1997
  • Менская вясна — 1996: Кроніка, дакумэнты, успаміны
  • Пазацэнзурны друк — Пазацэнзурны пэрыядычны друк Беларусі (1971—1990). Каталёг / Укладальнікі Юрась Лаўрык, Ларыса Андросік. — Мн.: БГАКЦ, 1998

Цікавыя фактыПравіць

  • Адной з прычнаў заняпаду Архіву лічацца выкрытыя фінансавыя злоўжыванні арганізатараў праекту [5].

ЛітаратураПравіць

Зноскі