Арцём

Арцём (руск.: Артём) — горад (з 1938) краявога падпарадкавання ў Расіі, у складзе Прыморскага краю. Насельніцтва 102,2 тыс. чал. (2005). Заснаваны ў 1924 годзе, як рабочы пасёлак пры радовішчы бурага вугалю.

Горад Арцём Артём Герб Сцяг Краіна Расія Край Прыморскі Каардынаты 43°21′00″ пн. ш. 132°11′00″ у. д. Кіраўнік Kwon Vyacheslav[d] Заснаваны 1908 Плошча 506 км² Вышыня цэнтра 23 м Насельніцтва 102,2 тыс. чал. чалавек (2005) Часавы пояс UTC+10 Тэлефонны код +7 42337 Паштовыя індэксы 692700–692799 Афіцыйны сайт artemokrug.gosuslugi.ru (руск.) Арцём на карце Расіі ±

Медыяфайлы на Вікісховішчы

Названы ў гонар расійскага рэвалюцыянера Фёдара Андрэевіча Сяргеева, больш вядомага як «таварыш Арцём», заснавальніка і кіраўніка Данецка-Крыварожскай савецкай рэспублікі, блізкага сябра Сяргея Кірава і Іосіфа Сталіна.

У мінулым — найбуйнейшы цэнтр Далёкага Усходу па здабычы вугалю (апошняя шахта была зачынена ў 2000 годзе). Цяпер горад перажывае новы этап вытворчага развіцця, звязаны з адкрыццём транспартна-лагістычных комплексаў і новых прамысловых вытворчасцей, такіх як зборка аўтамабіляў, вытворчасць будаўнічых матэрыялаў і бытавой хіміі, дрэваапрацоўка, вытворчасць прадуктаў харчавання. Таксама актыўна развіваюцца фермерскія гаспадаркі на сельскіх тэрыторыях гарадской акругі.

Стаіць на гандлёвых шляхах з Расіі і паўночна-ўсходняга Кітая ў краіны Азіяцка-Ціхаакіянскага рэгіёна. З’яўляецца адным з галоўных транспартных вузлоў Прыморскага краю. Уваходзіць у Свабодны порт Уладзівасток.

На тэрыторыі Арцёма размешчаны міжнародны аэрапорт Уладзівасток.

Горад размешчаны ў паўночнай частцы паўвострава Мураўёва-Амурскага, за 53 км на паўночны ўсход ад Уладзівастока. Мае выхады да Амурскага і Усурыйскага заліваў.

Гісторыя

Першым пасяленцам горада быў беларус, герой руска-японскай вайны, ураджэнец г. Барысава Мінскай губерні Рыгор Захаравіч Хадасевіч (1879—1924), які ў 1908 годзе заснаваў на месцы будучага горада свой хутар. Да 1912 года на хутары стаялі тры дамы, дзе жылі Рыгор Хадасевіч і яго браты Клім і Ігнат, якія пераехалі з Барысава.

У 1913 годзе побач з хутарам Хадасевіча ўладзівастоцкі прадпрымальнік, выхадзец з Гродзенскай губерні Л. Ш. Скідзельскі залажыў тры шахты і пабудаваў працоўны пасёлак, якія атрымалі назву Зыбунныя копі.

У 1924 годзе ён быў перайменаваны ў гонар рэвалюцыянера Ф. А. Сяргеева (Арцёма) і стаў называцца пасёлак імя Арцёма. 13 снежня 1930 года, згодна з пастановай Прэзідыума Далькрайвыканкама, рабочы пасёлак імя Арцёма выдзелены са складу Шкотаўскага раёна ў непасрэднае падпарадкаванне Далькрайвыканкама.

26 кастрычніка 1938 года пасёлку імя Арцёма быў прысвоены статус горада.

Насельніцтва

Статыстыка колькасці насельніцтва з 1915 па 2024 Год Колькасць 1915 416 1922 3 000 1923 4 043 1926 4 048 1928 6 800 1929 4 700 1930 10 000 1931 10 690 1933 19 800 1939 34 926 1956 54 000 1959 55 531 1962 61 000 1967 65 000 1970 61 412 Год Колькасць 1971 63 000 1972 65 000 1973 66 000 1974 69 400 1975 68 000 1976 69 000 1979 68 520 1980 69 000 1981 70 000 1982 71 000 1983 71 000 1984 71 000 1985 72 000 1986 72 000 1987 73 000 Год Колькасць 1989 68 887 1992 70 200 1998 68 100 2000 67 000 2001 66 600 2002 64 145 2003 64 100 2004 64 000 2005 102 200 2006 102 300 2007 102 300 2008 102 445 2009 102 330 2010 102 603 2011 102 512 Год Колькасць 2012 102 757 2013 102 451 2014 102 405 2015 103 925 2016 105 338 2017 106 732 2018 106 692 2019 106 460 2020 105 675 2021 109 556 2023 108 690 2024 108 539

Спасылкі

• На Вікісховішчы ёсць медыяфайлы па тэме Арцём