Асташкавіцкі сельсавет (Светлагорскі раён)
Аста́шкавіцкі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці. Цэнтр — аграгарадок (да 2009 г. вёска) Асташкавічы.
| Асташкавіцкі сельсавет | |
|---|---|
| Краіна |
 Беларусь |
| Статус | сельсавет |
| Уваходзіць у | Светлагорскі раён |
| Уключае | 7 населеных пунктаў |
| Адміністрацыйны цэнтр | Асташкавічы |
| Дата ўтварэння | 20 жніўня 1924 |
| Старшыня сельсавета | Ігар Адамавіч Манько |
| Насельніцтва (2018) | 1 065 |
| Часавы пояс | UTC+03:00 |
| Тэлефонны код | +375 2342 |
| Паштовыя індэксы | 247403 |
| Код аўтам. нумароў | 3 |
| Афіцыйны сайт | |
Гісторыя правіць
Утвораны 20 жніўня 1924 года як Карпавіцкі сельсавет у складзе Азарыцкага раёна Мазырскай акругі БССР. Цэнтр — вёска Карпавічы. 5 кастрычніка 1926 года цэнтр сельсавета перанесены ў вёску Асташкавічы, сельсавет перайменаваны ў Асташкавіцкі. Пасля скасавання акруговай сістэмы 26 ліпеня 1930 года ў Азарыцкім раёне БССР, з 8 ліпеня 1931 года ў Мазырскім раёне БССР. З 12 лютага 1935 года ў складзе Даманавіцкага раёна, з 21 чэрвеня 1935 года — Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 8 красавіка 1957 года ў склад сельсавета з Давыдаўскага сельсавета перададзена вёска Асінаўка[1]. З 20 студзеня 1960 года ў складзе Парыцкага раёна, які 29 ліпеня 1961 года перайменаваны ў Светлагорскі. 26 верасня 2006 года ў склад Сасноваборскага пассавета перададзена вёска Асінаўка[2].
Геаграфія правіць
- Агульная плошча: 634 га
- Размяшчэнне: у паўднёва-ўсходняй частцы Светлагорскага раёна
- На захадзе сельсавета праходзіць чыгуначная лінія Жлобін - Калінкавічы са станцыяй Астанкавічы.
- Мяжуе:
- на паўночным усходзе — з Баравікоўскім сельсаветам
- на поўначы — з Сасноваборскім сельсаветам
- на захадзе — з Давыдаўскім сельсаветам
- на поўдні — з Калінкавіцкім раёнам
- на ўсходзе — з Рэчыцкім раёнам
- Па тэрыторыі сельсавета праходзяць аўтамабільныя дарогі: Н4162 · Н5008 · Н5009 · Н5010 · Н5029 · Н5035
- Рэкі: выток Жардзянкі
Насельніцтва правіць
Насельніцтва сельсавета паводле перапісу 2009 года — 1334 чалавекі[3], з іх 91,8 % — беларусы, 5,8 % — рускія, 1,5 % — украінцы[4].
Зноскі
- ↑ Рашэнне выканкома Гомельскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
- ↑ Решение Гомельского областного Совета депутатов от 26 сентября 2006 г. № 295 Об изменении административно-территориального устройства районов Гомельской области Архівавана 22 верасня 2019.
- ↑ Насельніцтва населеных пунктаў Гомельскай вобласці паводле перапісу 2009 года Архівавана 11 кастрычніка 2020. (руск.)
- ↑ Этнічны склад насельніцтва сельсаветаў Беларусі паводле перапісу 2009 года (руск.)
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.