Астроўля

Астро́ўля (трансліт.: Astroŭlia, руск.: Островля) — вёска ў Лідскім раёне Гродзенскай вобласці. Знаходзіцца за 4 км на паўднёвы захад ад Ліды. Уваходзіць у склад Траццякоўскага сельсавета.

Вёска Астроўля Краіна Беларусь Вобласць Гродзенская Раён Лідскі Сельсавет Траццякоўскі Каардынаты 53°52′12″ пн. ш. 25°14′30″ у. д. Насельніцтва ▼252 чал. (2019) Часавы пояс UTC+3 Тэлефонны код +375 154 Паштовыя індэксы 231293 Аўтамабільны код 4 СААТА 4236854056 Астроўля на карце Беларусі ±

Астроўля на Вікісховішчы

Гісторыя

У вопісе парафій Лідскага дэканату ў 1784 года згадваецца Астроўля, вёска і карчма старасты лідскага, на захад за палову мілі ад горада. Дарога з Ліды да Астроўлі аддзялялася за Каменкай управа і цягнулася пяскамі між кустоўя.

З 1795 года ў Расійскай імперыі.

З 1921 года ў складзе Польшчы, у Лідскім павеце і гміне Навагрудскага ваяводства.

З лістапада 1939 года ў БССР. 13 снежня 1973 года была адкрыта абласная псіханеўралагічная бальніца.

Насельніцтва

• 1897 год — 165 чал.
• 1909 год — 191 чал.
• 1921 год — 167 чал.
• 1940 год — 202 чал.
• 1960 год — 223 чал.
• 1993 год — 326 чал.
• 2004 год — 300 чал.
• 2009 год — 296 чал.
• 2012 год — 284 чал.
• 2015 год — 281 чал.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі

• На Вікісховішчы ёсць медыяфайлы па тэме Астроўля