Атрыхум

Атрыхум (Atrichum) — род брыевых імхоў сямейства палітрыхавых.

Атрыхум
Атрыхум хвалісты (Atrichum undulatum)
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Polytrichopsida Парадак:  Polytrichales Сямейства:  Палітрыхавыя Род:  Атрыхум
Міжнародная навуковая назва
Atrichum Palisot de Beauvois, 1804
Сістэматыка на Віківідах Выявы на Вікісховішчы ITIS   15778 NCBI   37309 EOL   87175 IPNI   ???

Апісанне

Адна- або двухдомныя лістасцябловыя расліны. Сцяблы прамастойныя, простыя, радзей разгалінаваныя. Лісце шматраднае, знізу сцябла лускападобнае, уверсе — вузкаланцэтнае або вузкаязыкападобнае, па краі ўздута-аблямаванае і зубчастае, з простай жылкай; у сухім стане кучаравае. Каробачка на доўгай ножцы, падоўжана-цыліндрычная.

Пашырэнне

Піянеры глебавых агаленняў. Вядома каля 40 відаў, пашыраных па ўсім зямным шары. На Беларусі найчасцей трапляецца атрыхум хвалісты (Atrichum undulatum), расце ў лісцевых і мяшаных лясах на вільготнай аголенай глебе, утварае рыхлыя дзернавінкі, спараносіць увосень.

Літаратура

• Рыкоўскі Г. Ф. Атрыхум // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

Спасылкі

• Атрихум: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)