Аўсяніца высокая

Аўсяніца (мурожніца) высокая (Festuca altissima) — травяністая расліна сямейства метлюжковых.

Аўсяніца (мурожніца) высокая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Род:  Аўсяніца Від:  Аўсяніца (мурожніца) высокая
Міжнародная навуковая назва
Festuca altissima All., 1789
Сінонімы
Festuca sylvatica (Poll.) Vill., 1787
Сістэматыка на Віківідах Выявы на Вікісховішчы NCBI   145835 EOL   5809624 IPNI   402327-1 TPL   kew-414433

Апісанне

Шматгадовая травяністая расліна з вельмі кароткім цвёрдым паўзучым карэнішчам, якое мае ўкарочаныя парасткі, і нешматлікімі тоўстымі прамастойнымі, баразнаватымі сцёбламі вышынёй 50-120 (150) см. Лісце пляскатае, шырынёй 5-15 мм, лінейнае, з сярэдняй выступаючай жылкай. Похвы лісця кароткія, шурпатыя, баразнаватыя. Язычок абсечаны, з накіраванымі ўверх вушкападобнымі вырастамі, на верхавінцы махрысты. Мяцёлка буйная, паніклая, рыхлая, з доўгімі тонкімі шурпатымі галінкамі. Каласкі 3-5-кветкавыя, на ножках. Кветкавыя лускавінкі роўныя. Плод — прадаўгаватая бурая зярняўка.

Пашырэнне

Пашырэнне: шыракалістыя і мяшаныя лясы Еўропы, поўдзень Сібіры, Каўказ і Сярэдняя Азія. У Беларусі сустракаецца ў асобных лакалітэтах і астраўных месцах росту на паўночна-ўсходняй мяжы арэала.

Месцы росту: маладыя шыракалістыя і ялова-шыракалістыя лясы кіслічнага і сніткавага тыпаў. Расце невялікімі групамі і адзіночнымі экземплярамі, утварае невялікія рыхлыя дзернавінкі.

Асаблівасці біялогіі

Цвіце ў чэрвені-ліпені, пладаносіць у жніўні. Размнажэнне насеннае і вегетатыўнае.

Выкарыстанне

Кармавая расліна.

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5

Гэты від занесены ў Чырвоную кнігу Беларусі і ахоўваецца законам. IV катэгорыя (NT)