Баліян II Ібелін

Баліян II Ібелін
Баліян II Ібелін
	фр.: Balian d'Ibelin
	; Баліян Ібелін здае Іерусалім Саладзіну. Мініяцюра канца XV стагоддзя
Сеньёр Наблуса
Сеньёр Наблуса
Нараджэнне	1135; Святая зямля, Ізраіль;
Смерць	1193
Род	Ібеліны
Бацька	Барысан Ібелін
Маці	Эльвіс з Рамлы[d]
Жонка	Марыя Камніна
Дзеці	Жан I, сеньёр Бейрута; Філіп Ібелін, рэгент Кіпра; Эльвіса д’Ібелін; Маргарыта, сеньёра Ібелін
Дзейнасць	феадал
Бітвы	Battle of Hattin[d]; Siege of Jerusalem[d]; Battle of Montgisard[d]; Siege of Acre[d];
	Медыяфайлы на Вікісховішчы

Баліян II Ібелін (фр.: Balian d'Ibelin; каля 1142 — 1193) — крыжак з роду Ібелінаў, які ў 1177 годзе пабраўся шлюбам з Марыяй Камнінай, удавой караля Амары I і пляменніцу імператара Мануіла.

Сын Баліяна I (французская версія імя Барысан) Старога Ібеліна (паводле легенды, нашчадак графа Шартрскага, але хутчэй пізанец ці апуліец, у 1141 годзе атрымаў ад караля Фулька замак Ібелін; памёр у 1150 годзе) і Эльвіс (Элаізы) дэ Рамла (дачка Бадуэна, сеньёра Рамлы і Мірабеля; у другім шлюбе за канетаблем Манасье д’Ержам, памерла каля 1158 года).

Пасля паражэння арміі Іерусалімскага каралеўства ў бітве пры Хатыне Баліян адным з нешматлікіх пазбег гібелі ці паланення. У пачатку ліпеня 1187 года вярнуўся ў Іерусалім і апынуўся фактычным кіраўніком каралеўства.

На працягу паўтара месяца вёў падрыхтоўку да адбіцця штурму горада. Камандаваў абаронай Іерусаліма ў час штурму горада войскамі Саладзіна 20 верасня — 2 кастрычніка 1187 года. Здаў горад на ганаровых умовах, пасля таго, як прыстрашыў Саладзіна, што разбурыць мусульманскія святыні.

У кіно правіць

У мастацкім фільме Рыдлі Скота «Царства нябеснае» (2005) галоўным героем з'яўляецца «Баліян д’Ібелін», «сын Годфры д’Ібеліна», дакладней яго бастард. Гэту ролю выканаў Арланда Блум. Сам фільм мае вельмі аддаленае дачыненне да біяграфіі Баліяна, у прыватнасці, ён названы ў ім простым кавалём, які ў лічаныя месяцы вывучыў рыцарскія вайсковыя звычаі.

Дэталі фільма, часткова адпавядаюць гістарычным фактам: Баліян д’Ібелін сапраўды існаваў, але яго бацька насіў іншае імя, ды і сам ён у апісаны час, гэта значыць у 1187 годзе, быў ужо пажылым чалавекам; ён быў адным з баронаў Замор'я, узначаліў абарону Іерусаліма ў 1187 годзе і вёў перамовы з Саладзінам аб умовах здачы горада. Часткова біяграфія Баліяна ў фільме запазычыла факты жыцця старэйшага брата гістарычнага прататыпа — Балдуіна дэ Ібеліна, у прыватнасці: непрыязнасць да Гі Лузіньяна і рамантычныя адносіны з Сібілай. Іншыя факты ў фільме з'яўляюцца мастацкай выдумкай.

Сям'я і нашчадкі правіць

Бацька: Барысан Ібелін, канетабль Яфы
Маці: Эльвіса (дачка Балдуіна I, сеньёр Рамлы)
Браты: Гуга Ібелін, Балдуін Ібелін
Дзеці:
- Жан I Ібелін, сеньёр Бейрута
- Філіп Ібелін, рэгент Кіпрскага каралеўства
- Эльвіса Ібелін, каля 1190 — жонка Рэджынальда дэ Гранье, з 1204 года жонка Гі I дэ Манфора (пам. 1228), сеньёра дэ Кастр і дэ Ла-Фертэ-Аль
- Маргарыта Ібелін, сеньёра Ібеліна

Спасылкі правіць

Нечитайлов М.В.. Бальян II д’Ибелен (нявызн.). Сайт DEUSVULT.RU. — В статье рассказывается о жизни и карьере Бальяна II д’Ибелена. Архівавана з першакрыніцы 6 жніўня 2012. Праверана 14 ліпеня 2012.